Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 56 | |
56:1 См.: 🔗Прем. 1:1 | Сия глаголет Господь: сохраните суд и сотворите правду, приближися бо спасение Мое приити и милость Моя открытися. |
56:2 | Блажен муж творяй сия, и человек держайся их, и храняй субботы не оскверняти, и блюдый руце свои не творити неправды. |
56:3 См.: 🔗Втор. 23:3 🔗Еф. 2:19 | Да не глаголет иноплеменник приложивыйся ко Господеви: еда отлучит мя Господь от людий Своих? И да не глаголет каженик, яко аз есмь древо сухо. |
56:4 См.: 🔗Ис. 58:13 | Сия глаголет Господь кажеником: елицы сохранят субботы Моя и изберут яже Аз хощу и содержат завет Мой, |
56:5 | дам им в дому Моем и во ограде Моей место именито, лучшее от сынов и дщерей, имя вечно дам им, и не оскудеет: |
56:6 | и иноплеменником приложившымся Господеви работати Ему и любити имя Господне, еже быти Ему в рабы и рабыни, и вся снабдящыя субботы Моя не оскверняти и держащыя завет Мой, |
56:7 | введу я в гору святую Мою и возвеселю я в дому молитвы Моея: всесожжения их и жертвы их будут приятны на требнице Моем: дом бо Мой дом молитвы наречется всем языком, |
56:8 См.: 🔗Ин. 10:16 🔗Еф. 2:13 | глаголет Господь, собираяй разсеяныя Израилевы, яко соберу к нему собор. |
56:9 См.: 🔗Иер. 7:33 | Вси зверие дивии, приидите, ядите, вси зверие дубравнии. |
56:10 | Видите, яко вси ослепоша, не разумеша смыслити, вси пси немии не возмогут лаяти, видяще сны на ложи, любяще дремати, |
56:11 См.: 🔗Иер. 6:13 🔗Иер. 8:10 | и пси безстуднии душею, не ведяще сытости: и суть лукави, не ведяще смысла, вси путем своим последоваша, кийждо уклонишася в лихоимство свое, от перваго и до последняго. |
56:12 | Приидите, да возмем вино и наполнимся пиянства, и будет яко днесь, тако и заутра, и много множае. |