Книга пророка Амоса, глава 6

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1 См.: 🔗Иер. 5:17	Люте уничижающым Сиона и уповающым на гору Самарийскую: оымаша начатки языков, и внидоша к ним дом Израилев.
6:2 См.: 🔗Быт. 10:10	Мимоидите Халану вси и видите, и прейдите оттуду во Емаф великий и снидите оттуду в Геф иноплеменников, крепчайшыя от всех царств сих, аще болши суть пределы их предел ваших?
6:3	Приходящии в день зол, приближающиися и прикасающиися субботам лживым,
6:4 См.: 🔗Ам. 3:15 🔗Гал. 6:8	спящии на одрех от костей слоновых и ласкосердствующии на постелех своих, ядущии козлища от паств и телцы млеком питаемы от среды стад:
6:5	плещущии ко гласу пищалей, аки стояща мнеша, а не яко бежаща:
6:6 См.: 🔗Быт. 40:23	пиющии процеженое вино и первыми вонями мажущиися, и не страдаху ничесоже в сокрушении Иосифове.
6:7	Сего ради ныне пленницы будут от начала сильных, и отимется ржание конско от Ефрема.
6:8 См.: 🔗Иер. 51:14	Яко клятся Господь Собою, глаголет Господь Бог Сил: понеже гнушаюся аз всею укоризною Иакова и села его возненавидех, и отвергу град со всеми живущими в нем.
6:9	И будет, аще останутся десять мужей во единем дому, умрут, и останутся остаточнии:
6:10	и возмут свои их, и понудятся изнести кости их из дому. И речет настоятелем дому: еще ли есть у тебе? И речет: несть еще. И речет: молчи, не именования ради имене Господня.
6:11	Понеже, се, Господь заповедает и побиет дом великий толчением и дом малый разседением.
6:12 См.: 🔗Ис. 5:20 🔗Ам. 5:7	Аще поженут в камениях кони? И аще умолкнут в женстем полу? Яко обратисте на гнев суд, и плод правды на горесть,
6:13	веселящиися ни о единем слове блазе, глаголющии: не крепостию ли нашею имамы роги?
6:14 См.: 🔗Чис. 34:8	Темже, се, Аз воздвигну на вы, доме Израилев, язык, глаголет Господь Бог Сил, и сокрушат вас еже не внити во Емаф и до водотечи западов.