Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 См.: 🔗Чис. 27:21 🔗Суд. 20:18 | И бысть по скончании Иисусове, и вопрошаху сынове Израилевы Господа, глаголюще: кто взыдет нам к Хананею воевода, ратовати на них? |
1:2 См.: 🔗Быт. 49:8 | И рече Господь: Иуда взыдет: се, дах землю в руку его. |
1:3 См.: 🔗Втор. 33:7 | И рече Иуда к Симеону брату своему: взыди со мною в жребий мой, и ополчимся на Хананеа: и пойду и аз с тобою в жребий твой. И пойде с ним Симеон. |
1:4 См.: 🔗1Цар. 11:8 | И взыде Иуда, и предаде Господь Хананеа и Ферезеа в руце их: и избиша их в Везеце до десяти тысящ мужей. |
1:5 | И обретоша Адонивезека в Везеце, и секошася с ним: и избиша Хананеа и Ферезеа. |
1:6 См.: 🔗2Цар. 4:12 | И побеже Адонивезек: и гнаша вслед его, и яша его, и отсекоша краи рук его и краи ног его. |
1:7 См.: 🔗Лев. 24:20 🔗Мф. 7:2 | И рече Адонивезек: седмидесяти царем обсекох краи рук их и краи ног их, и быша собирающе (от крупиц) под трапезою моею: якоже убо сотворих, тако воздаде ми Бог. И приведоша его во Иерусалим, и умре тамо. |
1:8 См.: 🔗Нав. 15:63 🔗Нав. 18:28 | И воеваша сынове Иудины на Иерусалим, и взяша его, и поразиша его острием меча, и град сожгоша огнем. |
1:9 | И по сих снидоша сынове Иудины воевати на Хананеа живущаго в горней к югу и в равней. |
1:10 См.: 🔗Нав. 15:14 | И пойде Иуда на Хананеа живущаго в Хевроне. И изыде Хеврон со страны: имя же бе Хеврону прежде Кариафарвок – Сефер: и убиша Сесина и Ахимана и Фолмиа, роды Енаковы. |
1:11 См.: 🔗Нав. 12:13 🔗Нав. 15:15 | И взыдоша оттуду к живущым в Давире: имя же Давиру бе прежде Кариафсефер, Град Писмен. |
1:12 См.: 🔗Нав. 15:16 | И рече Халев: иже аще поразит Град Писмен и возмет его, дам ему Асхань дщерь мою в жену. |
1:13 См.: 🔗1Пар. 4:13 | И взя его Гофониил сын Кенеза брата Халевова юнейший, и даде ему Халев Асхань дщерь свою в жену. |
1:14 См.: 🔗Нав. 15:18 | И бысть внегда отходити ей, и подвиже ю Гофониил просити у отца своего села, и ропташе (седящи) на осляти, и вопияше со осляти: на землю южную отдал мя еси. И рече ей Халев: что ти есть? |
1:15 См.: 🔗Быт. 33:11 | И рече ему Асхань: даждь ми благословение: яко на землю южную отдал еси мя, да даси мне и исходища водная. И даде ей Халев по сердцу ея исходища вышних и исходища нижних. |
1:16 См.: 🔗1Цар. 15:6 | И сынове Иофора Кинеева, ужика Моисеова, взыдоша от града Финическа к сыном Иудиным в пустыню сущую на юг Иуды ко исходу Аредову, и поидоша, и вселишася с людьми. |
1:17 См.: 🔗Втор. 2:34 🔗Чис. 14:45 | И пойде Иуда с Симеоном братом своим, и изби Хананеа живущаго в Сефефе, и потребиша его: и прозваша имя граду Потребление. |
1:18 См.: 🔗4Цар. 1:2 | И взя Иуда Газу и предел ея, и Аскалона и предел его, и Аккарон и предел его, и Азот и окрестная его. |
1:19 См.: 🔗Нав. 17:16 | И бяше Господь со Иудою. И взя гору, яко не возмогоша потребити живущих во юдоли, зане Рихав противоста им, и колесницы железныя бяху там. |
1:20 | И даша Халеву Хеврон, якоже глагола Моисей: и наследствова тамо три грады сынов Енаковых, и изгна оттуду три сыны Енаковы. |
1:21 См.: 🔗Нав. 15:63 🔗Нав. 18:28 | И Иевусеа живущаго во Иерусалиме не изгнаша сынове Вениаминовы, и живяше Иевусей с сынми Вениамини во Иерусалиме даже до сего дне. |
1:22 См.: 🔗Нав. 16:1 | И взыдоша сынове Иосифли и сии в Вефиль: и Господь бяше с ними. |
1:23 См.: 🔗Быт. 28:19 | И ополчишася, и соглядаша (сынове Иосифовы) Вефиль: имя же бе прежде граду Луза. |
1:24 | И видеша стрегущии мужа исходящаго из града, и яша его и рекоша ему: покажи нам вход во град, и сотворим с тобою милость. |
1:25 См.: 🔗Нав. 6:24 | И показа им вход градный: и поразиша град острием меча, мужа же и сродство его отпустиша. |
1:26 См.: 🔗Нав. 16:2 | И отиде муж в землю Хеттиим, и созда тамо град, и прозва имя ему Луза: сие имя ему даже до дне сего. |
1:27 | И не разори Манассий Вефсана, иже есть Скифский град, ниже дщерей его, ниже окрестных (предел) его, ниже Фанаха, ниже дщерей его, ниже живущих в Доре, ниже дщерей его, ниже живущих во Иевламе, ниже окрестных его, ниже дщерей его, и живущих в Магеддоне, ниже окрестных его и дщерей его. И нача Хананей жити на земли сей. |
1:28 | И бысть егда укрепися Израиль, и сотвори Хананеа данника: изгнанием же не изгна его. |
1:29 См.: 🔗Нав. 16:10 🔗Нав. 21:21 | И Ефрем не изгна Хананеа живущаго в Газере: и живяше Хананей среде его в Газере, и бысть ему в данника. |
1:30 | И Завулон не изгна живущих в Хевроне и живущих во Аммане: и вселися Хананей посреде их и бысть ему данник. |
1:31 См.: 🔗Нав. 15:44 🔗Нав. 19:29 | И Асир не изгна живущих во Акхоре, (и бысть ему данник,) ни живущих в Доре, ни живущих в Сидоне, ни живущих в Далафе и во Ахазиве, и во Елве и во Афеке и в Роове. |
1:32 | И вселися Асир посреде Хананеа живущаго на земли (той), зане не возможе изгнати его. |
1:33 | И Неффалим не изгна живущих в Вефсамисе, ниже живущих в Вефанахе: и вселися Неффалим среде Хананеа живущаго на земли (сей): живущии же в Вефсамисе и в Вефанахе быша ему данницы. |
1:34 См.: 🔗Суд. 18:1 | И утесни Аморрей сыны Дановы в горе, яко не попусти им низходити во юдоль. |
1:35 См.: 🔗Нав. 19:42 | И нача Аморрей жити в горе Чрепней, идеже медведи и лисицы, в Мирсиноне и в Салавине: и отяготе рука дому Иосифля на Аморреа, и бысть ему данник. |
1:36 | И предел Аморрейский идумей от восхода Акравиня, от Камене и выше. |