Книга пророка Исаии, глава 28

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 28
28:1	Горе венцу гордыни, наимницы Ефремовы, цвет отпадый от славы, на версе горы тучныя пиянии без вина.
28:2 См.: 🔗4Цар. 17:3	Се, крепка и жестока ярость Господня, аки град низпущаемый не имый крова, насильно низпущаемый: якоже воды многое множество влекущее страну, земли сотворит покой рукама,
28:3 См.: 🔗Дан. 7:7 🔗Мих. 7:10	и ногама поперется венец гордыни, наимницы Ефремовы.
28:4 См.: 🔗Ис. 1:30	И будет цвет отпадый от надежды славы на версе горы высокия, аки ранний плод смоквин: видевый его, прежде взятия в руце свои, восхощет поглотити его.
28:5 См.: 🔗Прит. 4:9 🔗Ис. 62:3 🔗Иез. 16:12	В той день будет Господь Саваоф венец надежди, сплетеный славою оставшымся людем.
28:6	И оставятся духом судным на суд, и крепость возбраняющих погубляти.
28:7 См.: 🔗Прит. 20:1 🔗Ос. 4:11 🔗Ос. 9:7	Сии бо вином суть прельщени: прельстишася сикеры ради, жрец и пророк изступиша ума от сикеры, пожерты быша вином, потрясошася от пиянства сикеры, прельстишася: сие есть привидение.
28:8	Проклятие пояст сей совет, сей бо совет ради лихоимства.
28:9	Кому возвестихом злая и кому поведахом весть? Иже отдоении (суть) от млека, отторженнии от сосца.
28:10 См.: 🔗Ис. 42:20	Печали на печаль ожидай, надежды к надежди, еще мало, еще мало,
28:11 См.: 🔗1Кор. 14:21	яко худостию устен, языком иным возглаголют людем сим, рекуще им:
28:12 См.: 🔗Мф. 11:28	сей покой алчному и сие сокрушение, и не восхотеша слышати.
28:13 См.: 🔗Ис. 8:15	И будет им слово Господа Бога, печаль к печали, надежда к надежди, еще мало, еще мало, да идут и падутся вспять и в беду впадут, и сокрушатся и пленени будут.
28:14 См.: 🔗Деян. 13:40	Сего ради услышите слово Господне, мужие озлобленнии и князи людий сущих во Иерусалиме.
28:15 См.: 🔗Иер. 5:12 🔗Ис. 29:15	Яко рекосте: сотворихом завет со адом и со смертию сложение: буря носима аще мимоидет, не приидет на нас: положихом лжу надежду нашу и лжею покрыемся.
28:16 См.: 🔗Пс. 117:22 🔗Ис. 8:14 🔗Мф. 21:42 🔗Мк. 12:10 🔗Лк. 20:17 🔗Деян. 4:11 🔗1Пет. 2:7 🔗Рим. 9:33	Сего ради тако глаголет Господь: се, Аз полагаю во основание Сиону камень многоценен, избран, краеуголен, честен, во основание ему, и веруяй в онь не постыдится:
28:17	и положу суд в надежду, милость же моя на мерилех, и уповавшии вотще на лжу, яко не минет вас буря:
28:18 См.: 🔗Ис. 28:15 🔗Мф. 7:27	и не отимет от вас завета смертнаго, и надежда ваша, яже ко аду, не пребудет. Буря идущая аще найдет, будете ей в попрание:
28:19 См.: 🔗Мф. 6:13	егда мимоидет, возмет вас: яко по всяко утро преходити будет в день, и в нощи будет надежда зла. Научитеся слышати, утесняемии:
28:20	не можем ратовати, сами же изнемогаем, еже собратися нам.
28:21 См.: 🔗2Цар. 5:20 🔗1Пар. 14:11 🔗Нав. 10:12	Якоже гора на нечестивых востанет Господь, и будет (якоже) в дебри Гаваонстей, с яростию сотворит дела Своя, горести дело: ярость же Его чуждо употребится, и погубление Его странно.
28:22 См.: 🔗Ис. 10:23	И вы не радуйтеся, ниже да возмогут ваши узы: зане скончаны и сокращены вещи слышах от Господа Саваофа, яже сотворит над всею землею.
28:23 См.: 🔗Ис. 34:1	Внушите и слышите глас мой, внемлите и слышите словеса моя.
28:24	Еда весь день будет оряй орати? Или семя уготовит прежде возделания земли?
28:25	Не егда ли умягчит лице ея, тогда всеет мало чернухи и кимина, потом же сеет пшеницу и ячмень и просо в пределех твоих?
28:26 См.: 🔗Прем. 3:5 🔗Вар. 3:37	И научишися суду Бога твоего и возрадуешися.
28:27 См.: 🔗Ис. 25:10	Ибо не с жестокостию очищается чернуха, ниже коло колесничное обыдет кимина, но жезлом истрясается чернуха, кимин же со хлебом снестся.
28:28	Не во век бо Аз разгневаюся на вы, ниже глас гнева Моего поперет вас.
28:29 См.: 🔗Ис. 55:8 🔗Иер. 32:19	И сия от Господа Саваофа изыдоша чудеса: советуйте, вознесите тщетное утешение.