Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 | Рекоша бо в себе помышляющии неправо: мал есть и печален живот наш, и несть изцеления в кончине человечесте, и несть познан возвративыйся от ада. |
2:2 См.: 🔗Еккл. 3:21 🔗Иак. 4:14 | Яко самослучайно рождени есмы, и по сем будем якоже не бывше: понеже дым дыхание в ноздрех наших, и слово искра в движении сердца нашего: |
2:3 См.: 🔗Еккл. 3:20 | ейже угасшей пепел будет тело, и дух наш разлиется яко мягкий воздух, |
2:4 См.: 🔗Еккл. 2:16 🔗Иак. 4:14 | и имя наше забвено будет во время, и никтоже воспомянет дел наших: и прейдет живот наш яко следы облака, и яко мгла разрушится, разгнаная от лучь солнечных и теплотою его отягчившися. |
2:5 См.: 🔗1Пар. 29:15 | Стени бо преход житие наше, и несть возвращения кончины нашея: яко запечатана есть, и никто возвращается. |
2:6 См.: 🔗Ис. 56:12 🔗1Кор. 15:32 | Приидите убо и насладимся настоящих благих, и употребим создания, яко в юности скоро: |
2:7 См.: 🔗1Кор. 7:31 | вина дражайшаго и мира (благовонна) исполнимся, и да не прейдет нас цвет жития: |
2:8 | увенчаим нас шипковыми цветы, прежде неже увянут: |
2:9 | ни един от нас лишен да будет нашего наслаждения, везде оставим знамение веселия, яко сия часть наша и жребий сей. |
2:10 См.: 🔗Иак. 2:6 | Насилие сотворим убогу праведному, не пощадим вдовицы, ниже старца устыдимся седин многолетных. |
2:11 | Да будет же нам крепость закон правды: некрепкое бо неполезно обретается. |
2:12 См.: 🔗Лк. 11:54 🔗Мф. 11:20 | Уловим же (лестию) праведнаго, яко непотребен нам есть и противится делом нашым, и поносит нам грехи закона и злославит нам грехи учения нашего: |
2:13 См.: 🔗Мф. 27:43 | возвещает нам разум имети Божий, и отрока Господня себе именует: |
2:14 См.: 🔗Ин. 7:7 | бысть нам на обличение помышлений наших: |
2:15 См.: 🔗Ис. 55:8 | тяжек есть нам и к видению, яко неподобно (есть) иным житие его, и отменны (суть) стези его: |
2:16 См.: 🔗1Ин. 3:1 | в поругание вменихомся ему, и удаляетеся от путий наших яко от нечистот: блажит последняя праведных и славится отца имети (себе) Бога. |
2:17 См.: 🔗Мф. 27:49 | Увидим, аще словеса его истинна, и искусим яже сбудутся ему. |
2:18 См.: 🔗Пс. 21:9 🔗Мф. 27:43 | Аще бо есть истинный сын Божий, защитит его и избавит его от руки противящихся. |
2:19 См.: 🔗Лк. 18:32 🔗2Пет. 2:8 | Досаждением и мукою истяжим его, да увемы кротость его и искусим беззлобство его: |
2:20 См.: 🔗Иер. 11:19 🔗Мф. 27:22 | смертию поносною осудим его, будет бо ему разсмотрение от словес его. |
2:21 См.: 🔗Ис. 33:11 | Сия помыслиша и прельстишася: ослепи бо их злоба их, |
2:22 | и не уведеша таин Божиих, ниже мзды уповаша преподобия, ниже присудиша чести душам непорочным. |
2:23 См.: 🔗Быт. 1:27 🔗Сир. 17:1 | Яко Бог созда человека в неистление и во образ подобия Своего сотвори его: |
2:24 См.: 🔗Быт. 3:1 | завистию же диаволею смерть вниде в мир: вкушают же ю, иже от ея части суть. |