Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 36 | |
36:1 См.: 🔗Быт. 46:20 | И приидоша князи племене сынов Галаадовых, сына Махирова сына Манассиина от племене сынов Иосифовых, и глаголаша пред Моисеом и пред Елеазаром жерцем и пред князи домов отечеств сынов Израилевых, |
36:2 См.: 🔗Чис. 27:1 | и рекоша: господину нашему повеле Господь отдати землю наследия по жребию сыном Израилевым: и господину нашему заповеда Господь дати наследие Салпаада брата нашего дщерем его: |
36:3 | и будут единому от племен сынов Израилевых в жены, и отлучится жребий их от одержания отец наших, и приложится к наследию племене, имже будут в жены, и от жребия наследия нашего отлучится: |
36:4 См.: 🔗Лев. 25:13 | аще же будет оставление сынов Израилевых, и приложится наследие их к наследию племене, имже аще будут в жены, и от наследия племене отечества нашего отимется наследие их. |
36:5 | И заповеда Моисей сыном Израилевым по повелению Господню, глаголя: сице племя сынов Иосифовых глаголют: |
36:6 См.: 🔗Тов. 1:9 | сие слово, еже заповеда Господь дщерем Салпаадовым, глаголя: идеже угодно им, да будут в жены, токмо от сонма отечества своего да будут в жены, |
36:7 См.: 🔗Лев. 25:23 🔗3Цар. 21:3 | и не превратится наследие сынов Израилевых от племене в племя ино: яко кийждо в наследии племене отечества своего женитися имут сынове Израилевы: |
36:8 См.: 🔗Чис. 27:8 🔗Тов. 6:12 | и всяка дщи, ужичествующая наследие от племен сынов Израилевых, единому сущих от сонма отца ея да будет жена: да ужичествуют сынове Израилевы кийждо наследие отца своего: |
36:9 | и не превратится жребий от племене в племя ино, но кийждо в наследии своем да женятся сынове Израилевы. |
36:10 См.: 🔗Чис. 27:3 | Якоже повеле Господь Моисею, тако сотвориша дщери Салпаадовы. |
36:11 См.: 🔗Чис. 27:1 | И быша Маала и Ферса, и Егла и Мелха и Нуа, дщери Салпаадовы, сыном братии своея, от сонма Манассиина сынов Иосифовых, быша в жены: |
36:12 | и бысть наследие их в племени сонма отца их. |
36:13 | Сия заповеди и оправдания и суды, яже заповеда Господь рукою Моисеовою на западе Моавли при Иордане прямо Иерихону. |