Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 11 | |
11:1 См.: 🔗Иов. 2:11 🔗Иов. 20:1 | Отвещав же Софар Минейский, рече: |
11:2 См.: 🔗Прит. 10:14 | глаголяй много, и противоуслышит: или многоречив мнится быти праведен? Благословен рожденный от жены малолетен. |
11:3 | Не мног во словесех буди: несть бо противовещаяй ти. |
11:4 | Не глаголи бо, яко чист есмь делы и безпорочен пред Ним: |
11:5 | но како Господь возглаголет к тебе и отверзет устне Свои с тобою? |
11:6 См.: 🔗Пс. 50:8 | Потом возвестит ти силу премудрости, яко сугуб будет в сих, яже противу тебе: и тогда уразумееши, яко достойная тебе сбышася от Господа, имиже согрешил еси, |
11:7 См.: 🔗Рим. 11:33 🔗1Кор. 2:11 | или след Господень обрящеши? Или в последняя достигл еси, яже сотвори Вседержитель? |
11:8 См.: 🔗Пс. 138:8 🔗Иер. 23:24 | Высоко небо, и что сотвориши? Глубочае же сущих во аде что веси? |
11:9 | Не должае ли меры земныя, или широты морския? |
11:10 | Аще же превратит вся, кто речет Ему: что сотворил еси? |
11:11 См.: 🔗Пс. 93:9 | Той бо весть дела беззаконных: видев же нелепая, не презрит. |
11:12 | Человек же инако обилует словесы: земный же рожденный от жены равен ослу пустынному. |
11:13 | Аще бо ты чисто положил еси сердце твое, воздеваеши же руце твои к Нему, |
11:14 См.: 🔗Ис. 1:16 | аще беззаконно что есть в руку твоею, далече сотвори е от тебе, неправда же в жилищи твоем да не вселится: |
11:15 См.: 🔗1Ин. 3:21 | тако бо ти возсияет лице, якоже вода чиста: совлечешися же скверны, и не убоишися, |
11:16 См.: 🔗Иер. 12:11 | и труда забудеши, якоже волны мимошедшия, и не устрашишися. |
11:17 | Молитва же твоя, аки денница, и паче полудне возсияет ти жизнь: |
11:18 | уповая же будеши, яко будет ти надежда: от туги же и попечения явится ти мир: |
11:19 См.: 🔗Лев. 26:5 | упокоишися бо, и не будет боряй тя: пременяющиися же мнози имут просити тя, |
11:20 См.: 🔗Иов. 8:13 🔗Иов. 14:19 | спасение же оставит их: надежда бо их пагуба, очи же нечестивых истают. |