Книга Притчей Соломоновых, глава 4

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 4
4:1	Послушайте, дети, наказания отча и внемлите разумети помышление,
4:2	дар бо благий дарую вам: моего закона не оставляйте.
4:3	Сын бо бых и аз отцу послушливый, и любимый пред лицем матере,
4:4 См.: 🔗1Пар. 28:9	иже глаголаша и учиша мя: да утверждается наше слово в твоем сердцы: храни заповеди, не забывай:
4:5	стяжи премудрость, стяжи разум: не забуди, ниже презри речения моих уст, ниже уклонися от глагол уст моих.
4:6	Не остави ея, и имется тебе: возжелей ея, и соблюдет тя.
4:7 См.: 🔗Прем. 6:18	Начало премудрости: стяжати премудрость, и во всем стяжании твоем стяжи разум.
4:8 См.: 🔗Дан. 2:46	Огради ю, и вознесет тя: почти ю, да тя оымет,
4:9 См.: 🔗Прит. 1:9	да даст главе твоей венец благодатей, венцем же сладости защитит тя.
4:10 См.: 🔗Прит. 3:2	Слыши, сыне, и приими моя словеса, и умножатся лета живота твоего, да ти будут мнози путие жития.
4:11	Путем бо премудрости учу тя, наставляю же тебе на течения правая:
4:12	аще бо ходиши, не запнутся стопы твоя: аще ли течеши, не утрудишися.
4:13	Имися моего наказания, не остави, но сохрани е себе в жизнь твою.
4:14 См.: 🔗Пс. 1:1 🔗Прит. 1:10	На пути нечестивых не иди, ниже возревнуй путем законопреступных.
4:15	На немже аще месте воя соберут, не иди тамо: уклонися же от них и измени:
4:16 См.: 🔗Есф. 6:4 🔗Пс. 35:5 🔗Мих. 2:1	не уснут бо, аще зла не сотворят: отимется сон от них, и не спят:
4:17 См.: 🔗Прит. 1:13	тии бо питаются пищею нечестия, вином же законопреступным упиваются.
4:18 См.: 🔗Пс. 96:11 🔗Мф. 5:16	Путие же праведных подобне свету светятся: предходят и просвещают, дондеже исправится день.
4:19 См.: 🔗Втор. 28:29 🔗Ис. 59:10	Путие же нечестивых темни: не ведят, како претыкаются.
4:20	Сыне, моим глаголом внимай, к моим же словесем прилагай ухо твое:
4:21	да не оскудеют ти источницы твои, храни я в сердцы твоем:
4:22 См.: 🔗Пс. 18:8	живот бо суть всем обретающым я и всей плоти их изцеление.
4:23 См.: 🔗Мф. 6:1 🔗Евр. 13:9	Всяцем хранением блюди твое сердце: от сих бо исходища живота.
4:24	Отими от себе строптива уста, и обидливы устне далече от тебе отрини.
4:25 См.: 🔗Иов. 31:1 🔗Сир. 9:7	Очи твои право да зрят, и вежди твои да помавают праведная.
4:26 См.: 🔗Евр. 12:13	Права течения твори твоима ногама и пути твоя исправляй.
4:27 См.: 🔗Втор. 5:32	Не уклонися ни на десно, ни на шуе: отврати же ногу твою от пути зла:
4:28	пути бо десныя весть Господь, развращени же суть, иже ошуюю.
4:29	Той же права сотворит течения твоя, и хождения твоя в мире поспешит.