Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 | Видение, еже виде Аввакум пророк. |
1:2 См.: 🔗Пс. 12:2 | Доколе, Господи, воззову, и не услышиши? Возопию к Тебе обидимь, и не избавиши? |
1:3 См.: 🔗Иез. 22:29 | Вскую мне показал еси труды и болезни, смотрити страсть и нечестие? Противу мне бысть суд, и судия вземлет. |
1:4 См.: 🔗Иов. 21:7 🔗Иер. 12:1 | Сего ради разорися закон, и не производится в совершение суд: яко нечестивый преобидит праведнаго, сего ради изыдет суд развращен. |
1:5 См.: 🔗Деян. 13:41 | Видите, презорливии, и смотрите, и чудитеся чудесем и изчезните: понеже дело Аз делаю во днех ваших, емуже не имате веровати, аще кто исповесть вам. |
1:6 См.: 🔗Иер. 50:41 | Зане, се, Аз возставляю Халдеи, язык горький и борзый, ходящий по широтам земли, еже наследити селения не своя: |
1:7 | страшен и явлен есть, от него суд его будет, и взятие его от него изыдет: |
1:8 См.: 🔗Иер. 4:13 🔗Иер. 5:6 | и изскочат паче рысей кони его и быстрее волков аравийских, и поедут конницы его и устремятся издалеча и полетят аки орел готов на ядь. |
1:9 | Скончание на нечестивыя приидет, сопротивляющыяся лицам их противу, и соберет яко песок пленники. |
1:10 | И той над царьми посмеется, и мучителие играние его, и той над всякою тверделию поругается, и обложит вал, и возобладает ею. |
1:11 См.: 🔗2Пар. 28:23 | Тогда пременит дух и прейдет и помолится: сия крепость богу моему. |
1:12 | Неси ли Ты искони, Господи Боже, Святый мой? И не умрем. Господи, на суд учинил еси его, и созда мя обличати наказание его. |
1:13 | Чисто око еже не видети зла и взирати на труды болезненныя: вскую призираеши на презорливыя? Премолчаваеши, егда пожирает нечестивый праведнаго? |
1:14 | И сотвориши человеки яко рыбы морския и яко гады не имущыя старейшины. |
1:15 См.: 🔗Мк. 12:13 | Скончание удою восхити и привлече его мрежею и собра его сетьми своими: сего ради возвеселится и возрадуется сердце его: |
1:16 См.: 🔗Ис. 10:13 | сего ради пожрет мрежи своей и покадит сеть свою, яко теми разблажи часть свою и пищи своя избранныя: |
1:17 | сего ради прострет мрежу свою и присно избивати языков не пощадит. |