Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 10 | |
10:1 См.: 🔗Прит. 15:20 | Сын премудр веселит отца, сын же безумен печаль матери. |
10:2 См.: 🔗Прит. 11:4 🔗Иов. 20:20 | Не пользуют сокровища беззаконных, правда же избавит от смерти. |
10:3 См.: 🔗Пс. 32:19 🔗Ис. 49:26 | Не убиет гладом Господь душу праведную, живот же нечестивых низвратит. |
10:4 См.: 🔗Прит. 21:5 | Нищета мужа смиряет: руце же мужественных обогащаются. |
10:5 | Сын наказан премудр будет, безумный же слугою употребится: спасется от зноя сын разумный, ветротленен же бывает на жатве сын беззаконный. |
10:6 | Благословение Господне на главе праведнаго: уста же нечестивых покрыет плачь безвременный. |
10:7 | Память праведных с похвалами: имя же нечестивых угасает. |
10:8 См.: 🔗Пс. 140:5 🔗Иак. 3:17 | Премудр сердцем приимет заповеди: непокровенный же устнама остроптевая запнется. |
10:9 | Иже ходит просто, ходит надеяся: развращая же пути своя, познан будет. |
10:10 См.: 🔗Прит. 6:13 🔗Сир. 27:24 | Намизаяй оком с лестию собирает мужем печали: обличаяй же со дерзновением миротворит. |
10:11 | Источник жизни в руце праведнаго: уста же нечестиваго покрыет пагуба. |
10:12 См.: 🔗1Пет. 4:8 🔗1Кор. 3:4 | Ненависть воздвизает распрю: всех же нелюбопрителных покрывает любовь. |
10:13 | Иже от устен произносит премудрость, жезлом биет мужа безсердечна. |
10:14 | Премудрии скрыют чувство, уста же продерзаго приближаются сокрушению. |
10:15 См.: 🔗Прит. 18:11 | Стяжание богатых град тверд, сокрушение же нечестивых нищета. |
10:16 | Дела праведных живот творят, плодове же нечестивых грехи. |
10:17 См.: 🔗Прит. 12:1 | Пути жизни хранит наказание: наказанием же не обличеный заблуждает. |
10:18 | Покрывают вражду устне правыя: износящии же укоризну безумнейшии суть. |
10:19 См.: 🔗Еккл. 10:14 🔗Сир. 20:7 | От многословия не избежиши греха: щадя же устне, разумен будеши. |
10:20 | Сребро разжженое язык праведнаго: сердце же нечестиваго изчезнет. |
10:21 См.: 🔗Мф. 12:35 | Устне праведных ведят высокая: безумнии же в скудости скончаваются. |
10:22 | Благословение Господне на главе праведнаго, сие обогащает, и не имать приложитися ему печаль в сердцы. |
10:23 | Смехом безумный творит злая: премудрость же мужеви раждает разум. |
10:24 | В погибели нечестивый обносится: желание же праведнаго приятно. |
10:25 См.: 🔗Пс. 36:36 | Преходящей бури, нечестивый изчезает, праведный же уклонився спасается во веки. |
10:26 | Якоже гроздие зеленое вред зубом и дым очима, тако законопреступление творящым е. |
10:27 | Страх Господень прилагает дни: лета же нечестивых умалятся. |
10:28 См.: 🔗Иов. 8:13 🔗Пс. 111:10 | Пребывает с праведными веселие, упование же нечестивых погибает. |
10:29 | Утверждение преподобному страх Господень, сокрушение же творящым злая. |
10:30 | Праведник во веки не поколеблется: нечестивии же не населят земли. |
10:31 | Уста праведнаго каплют премудрость, язык же неправеднаго погибнет: |
10:32 | устне мужей праведных каплют благодати, уста же нечестивых развращаются. |