Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 См.: 🔗Мк. 16:19 🔗Рим. 8:34 | Аще убо воскреснусте со Христом, вышних ищите, идеже есть Христос о десную Бога седя: |
3:2 См.: 🔗Флп. 3:20 | горняя мудрствуйте, (а) не земная. |
3:3 См.: 🔗Рим. 8:24 🔗Гал. 2:20 | Умросте бо, и живот ваш сокровен есть со Христом в Бозе: |
3:4 См.: 🔗1Ин. 3:2 🔗Флп. 3:21 | егда же Христос явится, живот ваш, тогда и вы с Ним явитеся в славе. |
3:5 См.: 🔗Еф. 5:3 | Умертвите убо уды вашя, яже на земли: блуд, нечистоту, страсть, похоть злую и лихоимание, еже есть идолослужение, |
3:6 См.: 🔗1Кор. 6:9 | ихже ради грядет гнев Божии на сыны противления. |
3:7 | В нихже и вы иногда ходисте, егда живясте в них. |
3:8 | Ныне же отложите и вы та вся: гнев, ярость, злобу, хуление, срамословие от уст ваших: |
3:9 См.: 🔗Лев. 19:11 🔗Еф. 4:25 | не лжите друг на друга, совлекшеся ветхаго человека с деяньми его |
3:10 | и облекшеся в новаго, обновляемаго в разум по образу Создавшаго его, |
3:11 См.: 🔗Гал. 6:15 | идеже несть Еллин, ни Иудей, обрезание и необрезание, варвар и Скиф, раб и свободь, но всяческая и во всех Христос. |
3:12 См.: 🔗Еф. 4:32 | Облецытеся убо якоже избраннии Божии, святи и возлюбленни, во утробы щедрот, благость, смиреномудрие, кротость и долготерпение, |
3:13 | приемлюще друг друга и прощающе себе, аще кто на кого имать поречение: якоже и Христос простил есть вам, тако и вы. |
3:14 | Над всеми же сими (стяжите) любовь, яже есть соуз совершенства: |
3:15 | и мир Божии да водворяется в сердцах ваших, в оньже и звани бысте во едином теле: и благодарни бывайте. |
3:16 См.: 🔗Еф. 5:19 | Слово Христово да вселяется в вас богатно, во всякой премудрости: учаще и вразумляюще себе самех во псалмех и пениих и песнех духовных, во благодати поюще в сердцах ваших Господеви. |
3:17 См.: 🔗Евр. 13:15 | И все, еже аще что творите словом или делом, вся во имя Господа Иисуса Христа, благодаряще Бога и Отца Тем. |
3:18 См.: 🔗Еф. 5:22 | Жены, повинуйтеся своим мужем, якоже подобает о Господе. |
3:19 См.: 🔗1Пет. 3:7 | Мужие, любите жены вашя, и не огорчайтеся к ним. |
3:20 См.: 🔗Еф. 6:1 | Чада, послушайте родителей (своих) во всем: сие бо угодно есть Господеви. |
3:21 | Отцы, не раздражайте чад ваших, да не унывают. |
3:22 | Раби, послушайте по всему плотских господии (ваших), не пред очима точию работающе аки человекоугодницы, но в простоте сердца, боящеся Бога. |
3:23 | И всяко, еже аще что творите, от души делайте, якоже Господу, а не человеком, |
3:24 | ведяще, яко от Господа приимете воздаяние достояния: Господу бо Христу работаете. |
3:25 См.: 🔗Деян. 10:34 🔗Еф. 6:9 | А обидяй восприимет, еже обиде: и несть лица обиновения. |