Книга Исход, глава 8

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 8
8:1 См.: 🔗Исх. 5:1 🔗Исх. 7:16	И рече Господь к Моисею: вниди к фараону и речеши к нему: сия глаголет Господь: отпусти люди Моя, да Ми послужат:
8:2	аще же не хощеши ты отпустити, се, Аз побиваю вся пределы твоя жабами:
8:3	и изрыгнет река жабы, и излезшя внидут в домы твоя и в клети ложниц твоих, и на постели твоя и в домы рабов твоих и людий твоих, и в теста твоя и в пещы твоя,
8:4	и на тя и на рабы твоя и на люди твоя возлезут жабы.
8:5 См.: 🔗Исх. 7:19	Рече же Господь к Моисею: рцы Аарону брату твоему: простри рукою твоею жезл твой на реки и на кладязи и на езера, и изведи жабы на землю Египетскую.
8:6 См.: 🔗Пс. 77:45 🔗Пс. 104:30	И простре Аарон руку на воды Египетския и изведе жабы: и излезоша жабы и покрыша землю Египетскую.
8:7 См.: 🔗Прем. 17:7	Сотвориша же и волсви Египетстии волхвованиями своими такожде и изведоша жабы на землю Египетскую.
8:8 См.: 🔗Исх. 10:16 🔗3Цар. 13:6	Призва же фараон Моисеа и Аарона и рече: помолитеся о мне ко Господу, да отженет от мене жабы и от людий моих: и отпущу люди, и пожрут Господви.
8:9	Рече же Моисей к фараону: определи мне, когда помолюся о тебе и о рабех твоих и о людех твоих, да погибнут жабы от тебе и от людий твоих и от домов ваших, точию в реце да останутся.
8:10 См.: 🔗Исх. 9:14 🔗Исх. 15:11	Он же рече: заутра. Рече убо: якоже рекл еси, да увеси, яко несть иного разве Господа:
8:11	и отженутся жабы от тебе и от домов ваших и от сел, и от рабов твоих и от людий твоих, точию в реце останутся.
8:12	Изыде же Моисей и Аарон от фараона, и возопи Моисей ко Господу о определении жаб, якоже совеща с фараоном.
8:13	Сотвори же Господь, якоже рече Моисей: и изомроша жабы от домов и от сел и от нив их:
8:14	и собраша я в стоги стоги, и возсмердеся земля.
8:15 См.: 🔗Рим. 2:4 🔗Исх. 4:21	Видев же фараон, яко бысть отрада, отяготися сердце его, и не послуша их, якоже рече Господь.
8:16	И рече Господь к Моисею: рцы Аарону: простри рукою жезл твой и удари в персть земную, и будут скнипы в человецех и в скотех, и на фараоне и на доме его и рабех его, и весь песок земный станет скнипами во всей земли Египетстей.
8:17 См.: 🔗Пс. 104:31	Простре убо Аарон рукою жезл и удари в персть земную: и быша скнипы в человецех и в скотех, и во всякой персти земной быша скнипы во всей земли Египетстей.
8:18	Твориша же и волсви волхвованми своими такожде извести скнипы, и не возмогоша: и быша скнипы в человецех и скотех.
8:19 См.: 🔗Пс. 63:10 🔗Мф. 12:28 🔗Лк. 11:20	Реша убо волсви фараону: перст Божий есть сие. И ожесточися сердце фараоново, и не послуша их, якоже рече Господь.
8:20	Рече же Господь к Моисею: востани заутра и стани пред фараоном, и се, он изыдет на воду, и речеши ему: сия глаголет Господь: отпусти люди Моя, да Ми послужат в пустыни:
8:21	аще же не хощеши отпустити людий Моих, се, Аз посылаю на тя и на рабы твоя, и на люди твоя и на домы вашя песия мухи: и наполнятся домове Египетстии песиих мух и в земли, на нейже суть:
8:22 См.: 🔗Исх. 9:26	и прославлю в той день землю Гесемску, на нейже людие Мои сташа, на нейже не будет тамо песиих мух, да увеси, яко Аз есмь Господь, Бог всея земли:
8:23	и положу разлучение между людьми Моими и людьми твоими: во утрии же будет знамение сие на земли.
8:24 См.: 🔗Пс. 104:31 🔗Прем. 16:9	Сотвори же Господь тако: и прииде песиих мух множество в домы фараоновы и в домы рабов его и во всю землю Египетску, и погибе земля от песиих мух.
8:25	Воззва же фараон Моисеа и Аарона, глаголя: шедше пожрите жертву Господу Богу вашему в земли сей.
8:26 См.: 🔗Быт. 43:32 🔗Быт. 46:34	И рече Моисей: не может се тако быти, хулно бо се Египтяном: не положим требу Господу Богу нашему: аще бо положим требу по хулению Египетску пред ними, камением побиют ны:
8:27 См.: 🔗Исх. 3:18	путем триех дний пойдем в пустыню и пожрем Господу Богу нашему, якоже рече Господь нам.
8:28 См.: 🔗2Цар. 13:6 🔗Деян. 8:24	И рече фараон: аз отпущаю вы, и пожрите Господу Богу вашему в пустыни: но не далече простирайтеся ити: помолитеся убо и о мне ко Господу.
8:29	Рече же Моисей: се, аз изыду от тебе и помолюся ко Господу Богу, и отидут песия мухи от тебе и от рабов твоих и от людий твоих заутра: да не приложиши еще, фараоне, прельстити, еже не отпустити людий пожрети Господу.
8:30	Изыде же Моисей от фараона и помолися Богу.
8:31 См.: 🔗Исх. 10:19 🔗Исх. 14:28	Сотвори же Господь, якоже рече Моисей, и отя песия мухи от фараона и от рабов его и от людий его, и не остася ни едина.
8:32	И отяготи фараон сердце свое и во время сие, и не восхоте отпустити людий.