Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 9 | |
9:1 См.: 🔗1Пар. 19:2 | И рече Давид: есть ли еще оставшийся в дому Саули, и сотворю с ним милость Ионафана ради? |
9:2 См.: 🔗2Цар. 16:1 🔗2Цар. 19:17 | И от дому Сауля бе отрок, и имя ему Сива: и призваша его к Давиду, и рече к нему царь: ты ли еси Сива? И рече: аз раб твой. |
9:3 См.: 🔗1Цар. 20:14 🔗2Цар. 4:4 | И рече царь: остася ли от дому Сауля еще муж, и сотворю с ним милость Божию? И рече Сива к царю: еще есть сын Ионафанов, хром ногама. |
9:4 См.: 🔗2Цар. 17:27 | И рече царь: где есть? И рече Сива к царю: се, в дому Махира сына Амииля от Лодавара. |
9:5 | И посла царь Давид, и взя его из дому Махира сына Амииля от Лодавара. |
9:6 | И прииде Мемфивосфей сын Ионафана сына Саулова к царю Давиду, и паде на лицы своем и поклонися ему. И рече ему Давид: Мемфивосфее. И рече: се, раб твой. |
9:7 | И рече ему Давид: не бойся, яко творя сотворю с тобою милость Ионафана ради отца твоего, и возвращу тебе вся села Саула деда твоего, и ты яждь хлеб на трапезе моей всегда. |
9:8 | И поклонися ему Мемфивосфей и рече: кто есмь аз раб твой, яко призрел еси на пса умершаго подобнаго мне? |
9:9 | И призва царь Сиву отрочища Сауля, и рече ему: вся елика суть Сауля и весь дом его дах сыну господина твоего: |
9:10 См.: 🔗2Цар. 16:3 🔗2Цар. 19:17 | и делай ему землю ты и сынове твои и раби твои, и да приносиши сыну господина твоего хлебы, да яст: и Мемфивосфей сын господина твоего да яст хлеб всегда на трапезе моей. У Сивы же бяху пятьнадесять сынов и двадесять рабов. |
9:11 См.: 🔗2Цар. 19:28 | И рече Сива к царю: по всем, елика заповеда господин мой царь рабу своему, тако сотворит раб твой. И Мемфивосфей ядяше на трапезе Давидове, якоже един от сынов царевых. |
9:12 См.: 🔗1Пар. 8:34 🔗1Пар. 9:40 | И Мемфивосфею сын бе мал, и имя ему Миха, и все обитание дому Сивина раби бяху Мемфивосфеовы. |
9:13 См.: 🔗2Цар. 4:4 | И Мемфивосфей живяше во Иерусалиме, яко на трапезе цареве ядяше всегда: и той бяше хром обема ногама своима. |