Книга Притчей Соломоновых, глава 28

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 28
28:1 См.: 🔗Лев. 26:36 🔗Втор. 28:25	Бегает нечестивый ни единому же гонящу, праведный же яко лев уповая.
28:2 См.: 🔗Прит. 29:8	За грехи нечестивых судове востают: муж же хитрый угасит я.
28:3	Продерзый в нечестиих оклеветает нищыя, якоже дождь сильный не полезен:
28:4 См.: 🔗Ис. 5:20	тако оставившии закон хвалят нечестие, любящии же закон ограждают себе стену.
28:5 См.: 🔗Сир. 21:7	Мужие злии не уразумеют суда, ищущии же Господа уразумеют о всем.
28:6 См.: 🔗Прит. 19:1	Лучше нищь ходяй во истине, нежели богат ложь.
28:7 См.: 🔗Прит. 29:3	Хранит закон сын разумный: а иже пасет несытость, безчестит отца своего.
28:8 См.: 🔗Иов. 27:16	Умножаяй богатство свое с лихвами и прибытки милующему нищыя собирает е.
28:9 См.: 🔗Иов. 27:8	Укланяяй ухо свое не послушати закона и сам молитву свою омерзил.
28:10 См.: 🔗Прит. 26:27	Иже льстит правыя на пути злем, во истление сам впадет: беззаконнии же минуют благая и не внидут в ня.
28:11	Премудр у себе муж богатый, убогий же разумив презрит его.
28:12 См.: 🔗Прит. 29:2	Помощию праведных многа бывает слава, на местех же нечестивых погибают человецы.
28:13 См.: 🔗Пс. 31:5 🔗1Ин. 1:9	Покрываяй нечестие свое не успеет во благая, поведая же обличения возлюблен будет.
28:14 См.: 🔗Иов. 3:25 🔗Рим. 11:20	Блажен муж, иже боится всех за благоговение, а жестосердый впадает во злая.
28:15	Лев алчен и волк жажден, иже тиранствует, нищь сый, над языком убогим.
28:16	Царь скуден уроком велик клеветник (бывает), а ненавидяй неправды долго лет поживет.
28:17	Мужа, иже в вине смертне, выручаяй беглец будет, а не утвержден. Наказуй сына, и возлюбит тя и даст лепоту твоей души, не послушает языка законопреступна.
28:18	Ходяй праведно помощь приимет, ходяй же в стропотны пути увязнет.
28:19 См.: 🔗Прит. 12:11 🔗Сир. 20:28	Делаяй свою землю насытится хлебов, гоняй же праздность насытится нищеты.
28:20 См.: 🔗Прит. 20:21	Муж веры достойный много благословится, злый же не без мучения будет.
28:21 См.: 🔗Прит. 18:5 🔗Прит. 24:23	Иже не срамляется лица праведных, не благ: таковый за укрух хлеба продаст мужа.
28:22 См.: 🔗1Тим. 6:9	Тщится обогатитися муж завидлив, и не весть, яко милостивый возобладает им.
28:23	Обличаяй человечы пути благодать имать паче языком ласкающаго.
28:24 См.: 🔗Мф. 15:5	Иже отвергает отца или матерь и мнится не согрешати, сей сопричастник есть мужу нечестиву.
28:25 См.: 🔗Прит. 13:10	Неверный муж судит туне, а иже надеется на Господа, в прилежании будет.
28:26	Иже надеется на дерзо сердце, таковый безумен: а иже ходит в премудрости, спасется.
28:27 См.: 🔗Втор. 15:7 🔗2Кор. 9:9	Иже дает убогим, не оскудеет: а иже отвращает око свое, в скудости будет мнозе.
28:28	На местех нечестивых стенят праведнии, в погибели же их умножатся праведнии.