Книга Премудрости Иисуса, сына Сирахова, глава 42 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 42
42:1 См.: 🔗Втор. 1:17 🔗Иак. 2:1	Не стыдися о сих и не приими лица, еже согрешати:
42:2 См.: 🔗Исх. 23:6 🔗Лев. 19:15 🔗Втор. 1:16	о законе Вышняго и завете, и о суде, еже оправдати нечестиваго,
42:3	о словеси союбщника и о путницех, и о даянии наследия другов,
42:4	о истине мерила и весов, о стяжании многих и малых,
42:5 См.: 🔗Сир. 33:27	о различии продаяния купцев и о наказании мнозе чад, и еже рабу лукаву ребра окровавити.
42:6	На жене лукаве добро (есть) печать, и идеже многи руки, затвори.
42:7	Еже аще предаси, в число и меру, даждь и возми все писанием.
42:8	О наказании неразумива и буяго, и престарелаго судящагося с юными, и будеши наказан истинно и искушен пред всяким живущим.
42:9 См.: 🔗Сир. 7:26	Дщерь отцу сокровенно бдение, и попечение о ней отгоняет сон: во юности своей да не когда презреет и сожителствующи (с мужем), да не когда возненавидена будет:
42:10	в девстве да не когда осквернится и во отчих ея непраздна будет, и с мужем сущи да не когда преступит и сожителствующи да не когда неплоды будет.
42:11 См.: 🔗Сир. 26:12	Над дщерию безстудною утверди стражу, да не когда сотворит тя обрадование врагом, беседу во граде и отлученаго от людий, и посрамит тя в народе мнозе.
42:12 См.: 🔗Иов. 31:1	Не взирай на доброту всякаго человека и посреде жен не седи:
42:13 См.: 🔗Прит. 7:27	от риз бо исходит молие, и от жены лукавство женское.
42:14	Лучше злоба мужеска, нежели добродетелная жена, и жена посрамляющая в поношение.
42:15 См.: 🔗Рим. 1:20	Помяну убо дела Господня, и яже видех, повем: во словесех Господних дела Его:
42:16	солнце просвещая на вся призре, и славы Его исполнено дело его.
42:17	Не сотвори ли святым Господь поведати вся чудеса Его, яже утверди Господь Вседержитель, утвердитися всему во славе Его?
42:18 См.: 🔗Пс. 7:10 🔗Иер. 17:10 🔗Деян. 1:24	Бездну и сердце изследова и в коварствех их размысли: разуме бо Господь всяко ведение и призре на знамение века,
42:19 См.: 🔗Пс. 138:2	возвещая мимошедшая и будущая и открывая следы тайных:
42:20	не прейде Его всяко помышление, не утаися от Него ни едино слово.
42:21 См.: 🔗Пс. 89:3	Величия премудрости Своея украси: иже есть прежде века и во век,
42:22 См.: 🔗Рим. 11:34 🔗1Кор. 13:9	ни приложися, ни умалися и не востребова ни единаго советника.
42:23	Коль вся дела Его вожделенна, и даже до искры есть видети.
42:24	Вся сия живут и пребывают во век во всех требованиих, и вся послушают.
42:25 См.: 🔗Сир. 33:14	Вся сугуба, едино противу единаго: и не сотвори ничтоже скудно.
42:26	Едино от единаго утверди благая: и кто насытится, зря славу Его?