Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 43 | |
43:1 См.: 🔗Пс. 41:1 | В конец, сынов Кореовых, в разум, псалом. |
43:2 См.: 🔗Втор. 6:21 🔗Пс. 77:3 | Боже, ушима нашима услышахом, и отцы наши возвестиша нам дело, еже соделал еси во днех их, во днех древних. |
43:3 См.: 🔗Исх. 15:17 | Рука Твоя языки потреби, и насадил я еси: озлобил еси люди и изгнал еси я. |
43:4 См.: 🔗Втор. 33:29 | Не бо мечем своим наследиша землю, и мышца их не спасе их, но десница Твоя и мышца Твоя и просвещение лица Твоего, яко благоволил еси в них. |
43:5 | Ты еси сам Царь мой и Бог мой, заповедаяй спасения Иаковля. |
43:6 См.: 🔗Пс. 59:14 🔗Ис. 33:22 | О Тебе враги нашя избодем роги, и о имени Твоем уничижим востающыя на ны. |
43:7 См.: 🔗Пс. 19:8 | Не на лук бо мой уповаю, и мечь мой не спасет мене: |
43:8 | спасл бо еси нас от стужающих нам, и ненавидящих нас посрамил еси. |
43:9 | О Бозе похвалимся весь день, и о имени Твоем исповемыся во век. |
43:10 См.: 🔗Пс. 59:3 | Ныне же отринул еси и посрамил еси нас, и не изыдеши, Боже, в силах наших. |
43:11 | Возвратил еси нас вспять при вразех наших, и ненавидящии нас расхищаху себе. |
43:12 | Дал еси нас яко овцы снеди, и во языцех разсеял ны еси. |
43:13 См.: 🔗1Цар. 12:9 🔗Ис. 52:3 | Отдал еси люди Твоя без цены, и не бе множество в восклицаниих наших. |
43:14 См.: 🔗Пс. 78:4 🔗Иер. 24:9 | Положил еси нас поношение соседом нашым, подражнение и поругание сущым окрест нас. |
43:15 | Положил еси нас в притчу во языцех, покиванию главы в людех. |
43:16 | Весь день срам мой предо мною есть, и студ лица моего покры мя, |
43:17 | от гласа поношающаго и оклеветающаго, от лица вражия и изгонящаго. |
43:18 См.: 🔗Ис. 26:8 | Сия вся приидоша на ны, и не забыхом Тебе, и не неправдовахом в завете Твоем, |
43:19 | и не отступи вспять сердце наше: и уклонил еси стези нашя от пути Твоего, |
43:20 | яко смирил еси нас на месте озлобления, и прикры ны сень смертная. |
43:21 | Аще забыхом имя Бога нашего, и аще воздехом руки нашя к богу чуждему, |
43:22 См.: 🔗Пс. 7:10 | не Бог ли взыщет сих? Той бо весть тайная сердца. |
43:23 См.: 🔗Рим. 8:36 | Зане Тебе ради умерщвляемся весь день, вменихомся яко овцы заколения. |
43:24 См.: 🔗Мф. 8:24 | Востани, вскую спиши, Господи? Воскресени, и не отрини до конца. |
43:25 См.: 🔗Пс. 12:2 | Вскую лице Твое отвращаеши? Забываеши нищету нашу и скорбь нашу? |
43:26 См.: 🔗Ис. 51:23 | Яко смирися в персть душа наша, прильпе земли утроба наша. |
43:27 | Воскресени, Господи, помози нам, и избави нас имене ради Твоего. |