Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 См.: 🔗Втор. 12:32 | И ныне, Израилю, послушай оправданий и судов, елика аз учу вас днесь делати, да поживете и умножитеся, и вшедше наследите землю, юже Господь Бог отец ваших дает вам в наследие: |
4:2 См.: 🔗Втор. 12:32 🔗Прит. 30:6 | да не приложите к словеси, еже аз заповедаю вам, ниже да отимете от него: сохраните заповеди Господа Бога нашего, елика аз заповедаю вам днесь. |
4:3 | Очи ваши видеша вся, елика сотвори Господь Бог наш Веельфегору: яко всяк человек иже иде вслед Веельфегора, потреби его Господь Бог наш от вас: |
4:4 | вы же, прилежащии Господеви Богу вашему, живете вси до днесь: |
4:5 | видите, показах вам оправдания и суды, якоже заповеда мне Господь Бог мой сотворити сице на земли, в нюже вы идете тамо, наследити ю: |
4:6 См.: 🔗3Езд. 14:30 | и сохраните, и сотворите, яко сия премудрость ваша и смышление пред всеми языки, елицы аще услышат вся оправдания сия и рекут: се, людие премудрии и уметелны: язык великий сей. |
4:7 | Кий бо язык тако велий, емуже есть бог, приближаяйся ему, яко Господь Бог наш во всех, в нихже аще призовем Его? |
4:8 См.: 🔗3Цар. 2:3 🔗Пс. 118:98 | И кий язык велик, емуже суть оправдания и суды правы по всему закону сему, егоже аз даю пред вами днесь? |
4:9 | Вонми себе и снабди душу твою зело, и не забуди всех словес, яже видеста очи твои, и да не отступят от сердца твоего вся дни живота твоего: и да наставиши сыны твоя и сыны сынов твоих, |
4:10 См.: 🔗3Езд. 3:17 | в день в оньже стоясте пред Господем Богом вашим в Хориве в день собрания, егда рече Господь ко мне: собери ко Мне люди, и да слышат словеса Моя, да научатся боятися Мене вся дни, в няже сии живут на земли, и сыны своя да научат. |
4:11 См.: 🔗Исх. 19:18 | И приидосте, и стасте под горою: и гора горяше огнем даже до небесе, тма, мрак, и вихр. |
4:12 См.: 🔗Неем. 9:13 🔗Ин. 1:18 | И глагола Господь к вам на горе из среды огня: глас словес Его вы слышасте, и образа не видесте, токмо глас: |
4:13 См.: 🔗Исх. 20:1 🔗2Кор. 3:3 | и возвести вам завет Свой, егоже заповеда вам творити, десять словес, и написа я на двоих скрижалех каменных: |
4:14 | и мне заповеда Господь во время оно, научити вас оправданием и судам, творити вам я на земли, в нюже вы входите тамо наследити ю. |
4:15 См.: 🔗Нав. 23:11 🔗Иер. 17:21 | И снабдите душы своя зело, яко не видесте всякаго подобия в день, в оньже глагола Господь к вам в горе Хориве из среды огня: |
4:16 См.: 🔗Исх. 20:4 | не беззаконнуйте, и не сотворите себе самим подобия ваянна, всякаго образа подобия мужеска пола или женска: |
4:17 См.: 🔗Рим. 1:23 | и подобия всякаго скота, иже есть на земли, подобия всякия птицы пернатыя, под небесем парящия: |
4:18 | подобия всякаго гада, иже плежет по земли: подобия всякия рыбы, елики суть в водах под землею: |
4:19 | да не когда воззрев на небо и видев солнце и луну и звезды, и всю красоту небесную, прельстився поклонишися им и послужиши им, яже раздели Господь Бог твой всем языком, иже под небесем. |
4:20 См.: 🔗Сир. 17:13 | Вас же взя Господь Бог и изведе вас от пещи железны из Египта, да будете Ему людие в жребий, якоже в днешний день. |
4:21 | И Господь Бог разгневася на мя о словесех ваших, и клятся, да не прейду Иордана сего и да не вниду в землю, юже Господь Бог твой дает тебе в наследие: |
4:22 См.: 🔗Втор. 34:4 | аз бо умру в сей земли, и не прейду Иордана сего, вы же прейдете и наследите землю благую сию. |
4:23 См.: 🔗Прем. 1:12 | Вонмите вы, да не когда забудете завета Господа Бога вашего, егоже завеща к вам, и да не сотворите сами себе изваянна подобия всех, яже заповеда тебе Господь Бог твой, |
4:24 См.: 🔗Евр. 12:29 | яко Господь Бог твой огнь потребляяй есть, Бог ревнитель. |
4:25 | Аще же родиши сыны и сыны сынов твоих, и умедлите на земли, и возбеззаконнуете, и сотворите изваянно подобие всякаго, и сотворите злое пред Господем Богом, вашим, еже раздражити Его, |
4:26 | засвидетелствую вам днесь небесем и землею, яко пагубою погибнете от земли, на нюже вы преходите чрез Иордан тамо наследити ю: не пребудете много дний на ней, но потреблением потребитеся: |
4:27 См.: 🔗Втор. 28:64 🔗Быт. 34:30 | и разсыплет вы Господь во всех языцех, и останетеся мали числом во языцех, в няже введет вы Господь тамо, |
4:28 См.: 🔗Втор. 28:36 | и послужите тамо богом иным, делом рук человеческих, древу и камению, иже не узрят и не услышат, ни ядят, ни обоняют: |
4:29 См.: 🔗Пс. 114:4 🔗Прем. 1:2 | и взыщете тамо Господа Бога вашего, и обрящете Его, егда взыщете Его от всего вашего сердца и от всея души вашея в скорби вашей. |
4:30 См.: 🔗Лев. 26:40 | И постигнут тя вся сия словеса в последняя дни, и обратишися к Господеви Богу твоему, и услышиши глас Его, |
4:31 См.: 🔗Пс. 102:8 🔗Ис. 11:12 | яко Бог щедр и милосерд Господь Бог твой, не оставит тебе, ниже потребит тебе, не забудет завета отец твоих, имже клятся им. |
4:32 | Вопросите дний первых, бывших прежде вас, от дне в оньже сотвори Бог человека на земли, и от края небесе даже до края небесе, аще бысть по словеси великому сему, аще слышано бысть сицево: |
4:33 | аще (кий) язык слыша глас Бога живаго глаголюща от среды огня, имже образом слышал еси ты, и жив был еси: |
4:34 | аще искуси бог вшед взяти себе язык от среды языка искушением, и знамении и чудесы, и бранию и рукою сильною, и мышцею высокою и видении великими, по всему елико сотвори Господь Бог наш во Египте пред тобою зрящим, |
4:35 | яко да разумееши ты, яко Господь Бог твой сей Бог есть, и несть разве Его. |
4:36 | От небесе слышан сотвори тебе глас Свой, еже научити тя, и на земли показа тебе огнь Свой великий, и глаголголы Его слышал еси из среды огня: |
4:37 См.: 🔗Исх. 13:3 | занеже возлюби отцы твоя, избра семя их по них вас, и изведе тя Сам силою Своею великою из Египта |
4:38 | потребити языки великия и крепчайшыя тебе пред лицем твоим, ввести тя, дати тебе землю их в наследие, якоже имаши днесь. |
4:39 См.: 🔗Нав. 2:11 | И увеси днесь, и обратишися умом, яко Господь Бог твой Сей Бог на небеси горе и на земли долу, и несть разве Его, |
4:40 См.: 🔗Втор. 5:33 🔗Втор. 6:3 | и да сохраниши заповеди Его и оправдания Его, елика аз заповедаю тебе днесь, да благо тебе будет и сыном твоим по тебе, яко да будете долголетни на земли, юже Господь Бог твой дает тебе вся дни. |
4:41 См.: 🔗Втор. 19:2 | Тогда отдели Моисей три грады об ону страну Иордана на восток солнца, |
4:42 См.: 🔗Чис. 35:6 | еже убегати тамо убийце, иже аще убиет ближняго не ведый, и сей не ненавидя его прежде вчера и третияго дне, и да вбегнет во един град от сих и жив будет: |
4:43 См.: 🔗Нав. 20:8 | Восор в пустыни в земли селней Рувиму, и Раммоф в Галааде Гадду, и Гавлон в Васане Манассии. |
4:44 | Сей закон, егоже предложи Моисей пред сыны Израилтескими: |
4:45 | сия свидения и оправдания и суды, елика глагола Моисей сыном Израилевым в пустыни, изшедшым им из земли Египетския, |
4:46 | об он пол Иордана, в дебри, близ дому Фогорова, в земли Сиона царя Аморрейска, иже живяше во Есевоне, егоже изби Моисей и сынове Израилевы, изшедшым им из земли Египетския. |
4:47 См.: 🔗Чис. 21:24 🔗Втор. 29:7 | И наследиша землю его и землю Ога царя Васанска, дву царей Аморрейских, иже бяху об он пол Иордана на восток солнца, |
4:48 См.: 🔗Чис. 34:7 🔗Втор. 3:9 | от Ароира, иже есть во устии водотечи Арнони и у горы Сиона, яже есть Аермон, |
4:49 | всю араву об ону страну Иордана, на восток солнца под асидофом Тесаным. |