Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 | Егда же приидох в дом мой, и отдана бысть мне Анна жена моя и Товиа сын мой, в праздник пятьдесятницы, иже есть свят седмь седмиц, бысть обед добр мне, и возлегох, еже ясти. |
2:2 | И узрех снеди многи и рех сыну моему: иди и приведи, егоже аще обрящеши от братии нашея нищаго, иже помнит Господа, и се, ожидаю тебе. |
2:3 | И пришед рече: отче, един от рода нашего удавлен повержен есть на торжищи. |
2:4 | И аз, прежде неже вкусити ми, взях его в некий дом, донележе зайде солнце: |
2:5 | и возвратився умыхся и ядох хлеб мой в скорби, |
2:6 См.: 🔗Ам. 8:10 🔗1Мак. 1:39 | и помянух пророчество Амоса, якоже рече: обратятся дние ваши в плачь, и вся веселия ваша в сетование: |
2:7 См.: 🔗Тов. 12:12 | и плакахся: и егда зайде солнце, поидох и ископав погребох его. |
2:8 См.: 🔗Тов. 1:18 | Ближнии же посмевахуся, глаголюще: еще не боится убиен быти за дело сие: и бежа, и се, паки погребает мертвыя. |
2:9 См.: 🔗Чис. 19:16 | И в ту нощь, егда погребох, возвратихся и легох осквернен при стене двора, и лице мое откровено бе: |
2:10 | не видех же, яко врабия на стене суть, и очесем моим отверстым сущым, испустиша врабия теплое на очеса моя, и быша бельма на очесех моих: и идох ко врачем и не пользоваша мя: Ахиахар же питаше мя, дондеже отидох во Елимаиду. |
2:11 | А жена моя Анна волну прядяше в домех женских |
2:12 | и посылаше господием: даяху же ей и они мзду, придавше и козля. |
2:13 См.: 🔗Втор. 22:1 | Егда же прииде ко мне, нача вопити: и рех ей: откуду козля? Не украдено ли есть? Отдаждь е господием: не бо лепо есть ясти краденое. |
2:14 См.: 🔗Иов. 2:9 | Она же рече: дар дадеся ми над мзду. И не веровах ей и глаголах отдати е господием, и стыдяхся пред нею. Она же отвещавши рече ми: где суть милостыни твоя и правды твоя? Се, ведома вся с тобою. |