Книга Премудрости Иисуса, сына Сирахова, глава 16 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 16
16:1	Не желай чад множества неключимых, ниже веселися о сынех нечестивых: егда умножатся, не веселися о них, аще несть страха Господня с ними.
16:2	Не веруй животу их и не належи на множество их:
16:3 См.: 🔗Прем. 4:1	лучше бо един праведник, нежели тысяща (грешник),
16:4	и умрети безчадному, нежели имети чада нечестива:
16:5 См.: 🔗Прит. 11:11	от единаго бо разумна населится град, колено же беззаконных запустеет.
16:6	Многа сицевая виде око мое, и крепльшая сих слыша ухо мое.
16:7 См.: 🔗Чис. 11:1 🔗Втор. 29:20	В соборищи грешных возгорится огнь, и во языце непокориве возгорится гнев.
16:8 См.: 🔗Быт. 6:4	Не умолен бысть (Бог) о древних исполинех, иже отступиша крепостию своею:
16:9 См.: 🔗Быт. 19:11	не пощаде о жилищи Лотове, имиже возгнушася за гордыню их:
16:10 См.: 🔗Быт. 19:24	не помилова языка погибельнаго, вознесшагося во гресех своих,
16:11 См.: 🔗Исх. 12:37 🔗Чис. 14:22 🔗Чис. 26:65	и тако шесть сот тысящ пешцев, сошедшихся в жестосердии своем. И аще будет един жестоковыйный в людех, дивно есть сие, аще неповинен будет.
16:12 См.: 🔗1Цар. 2:6	Милость бо и гнев у Него, силен умолен быти и излияти гнев.
16:13	По мнозей милости Его, тако много и обличение Его: мужеви но делом его судит.
16:14 См.: 🔗Еккл. 8:12 🔗Прем. 3:9	Не убежит хищением грешный, и терпение благовернаго не лишено будет.
16:15 См.: 🔗Мф. 10:42	Всяцей милостыни сотворит место: кийждо бо по делом своим обрящет.
16:16 См.: 🔗Иов. 22:14 🔗Сир. 23:25	Не рцы, яко от Господа скрыюся, еда свыше кто мя помянет?
16:17	В людех множайших не воспомянен буду, что бо есть душа моя в безчисленней твари?
16:18 См.: 🔗2Пет. 3:10	Се, небо и небо небесе Божия, бездна и земля посещением Его подвигнутся:
16:19 См.: 🔗Пс. 17:8	вкупе горы и основания земли, егда воззрит на ня, трепетом стрясутся,
16:20	и о сих не размыслит сердце:
16:21 См.: 🔗Рим. 11:33	и пути Его кто постигнет? И бурю юже не узрит человек, множайшая же дел Его в сокровенных:
16:22 См.: 🔗Иов. 12:13	дела правды Его кто возвестит? Или кто стерпит? Далече бо завет.
16:23	Умаляяйся сердцем размышляет сия, а муж безумен и заблуждаяй размышляет буяя.
16:24	Послушай мене, чадо, и научися ведения, и на словеса моя внимай сердцем твоим:
16:25	изявляю в мериле наказание и со испытанием возвещу ведение.
16:26 См.: 🔗Быт. 1:1	Судом Господним дела Его из начала, и от сотворения Его раздели части их:
16:27 См.: 🔗Иов. 9:9 🔗Пс. 147:6	украси во век дела Своя, и начала их в роды их: ниже взалкаша, ниже утрудишася, и не престаша от дел своих.
16:28	Кийждо искренняго своего не оскорби,
16:29	и даже до века не воспротивятся глаголголу Его.
16:30	И по сих Господь на землю призре и исполни ю от благ Своих:
16:31 См.: 🔗Еккл. 3:21	душа всякаго животна покры лице ея, и в ню возвращение их.