Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 6 | |
6:1 | В конец, в песнех о осмем, псалом Давиду. |
6:2 См.: 🔗Пс. 37:2 🔗Иер. 10:24 | Господи, да не яростию Твоею обличиши мене, ниже гневом Твоим накажеши мене. |
6:3 | Помилуй мя, Господи, яко немощен есмь: изцели мя, Господи, яко смятошася кости моя, |
6:4 | и душа моя смятеся зело: и Ты, Господи, доколе? |
6:5 | Обратися, Господи, избави душу мою, спаси мя ради милости Твоея: |
6:6 См.: 🔗Пс. 29:10 | яко несть в смерти поминаяй Тебе, во аде же кто исповестся Тебе? |
6:7 | Утрудихся воздыханием моим, измыю на всяку нощь ложе мое, слезами моими постелю мою омочу. |
6:8 См.: 🔗Иов. 17:7 | Смятеся от ярости око мое, обетшах во всех вразех моих. |
6:9 См.: 🔗Пс. 118:115 🔗Мф. 7:23 | Отступите от мене, вси делающии беззаконие, яко услыша Господь глас плача моего, |
6:10 | услыша Господь моление мое, Господь молитву мою прият. |
6:11 См.: 🔗Пс. 34:4 | Да постыдятся и смятутся вси врази мои, да возвратятся и устыдятся зело вскоре. |