Книга Премудрости Иисуса, сына Сирахова, глава 4 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 4
4:1 См.: 🔗Втор. 15:4 🔗Тов. 4:7 🔗Лк. 11:41	Чадо, живота нищаго не лиши и не отвращай очес от просящаго,
4:2 См.: 🔗Прит. 3:27	души алчущия не оскорби и не разгневай мужа в нищете его,
4:3 См.: 🔗Сир. 7:11	сердца раздраженаго не превозмути и не продолжай даяния требующему,
4:4	раба скорбяща не отрей и не отврати лица твоего от нищаго,
4:5 См.: 🔗Мф. 5:42 🔗Лк. 6:30	от требующаго не отврати очес и не даждь места человеку кляти тя:
4:6	кленущаго бо тя в горести души своея мольбу услышит Сотворивый его.
4:7 См.: 🔗Флп. 4:8	Приятна соборищу твори себе и князю смиряй главу твою,
4:8	приклони ухо твое к нищему и отвещай ему мирная в кротости,
4:9 См.: 🔗Быт. 14:14	изми обидимаго из руки обидящаго и не малодушествуй, егда судиши,
4:10 См.: 🔗Иов. 29:12	буди сирым яко отец и вместо мужа матери их:
4:11 См.: 🔗Ис. 49:15	и будеши яко сын Вышняго, и возлюбит тя паче неже мати твоя.
4:12	Премудрость сыны своя вознесе и заступает ищущих ея:
4:13	любяй ю любит жизнь, и утренюющии к ней исполнятся веселия:
4:14 См.: 🔗Пс. 1:3	держайся ея наследит славу, и идеже входит, благословит его Господь:
4:15	служащии ей послужат Святому, и любящих ю любит Господь:
4:16 См.: 🔗1Цар. 15:22 🔗Прит. 8:12	слушаяй ея судити имать языки, и внимаяй ей вселится надеявся.
4:17	Аще уверуеши, наследиши ю, и во одержании будут роды его:
4:18	яко стропотно ходит с ним в первых, боязнь же и страх наведет нань
4:19 См.: 🔗Прит. 3:12	и помучит его в наказании своем, дондеже веру имет души его и искусит его во оправданиих своих,
4:20	и паки возвратится прямо к нему и возвеселит его
4:21	и открыет ему тайны своя:
4:22	аще заблудит, оставит его и предаст его в руце падения его.
4:23 См.: 🔗Рим. 12:11	Блюди время и хранися от лукаваго,
4:24	и о души твоей не постыдися:
4:25 См.: 🔗Сир. 41:19	есть бо стыд наводяй грех, и есть стыд слава и благодать.
4:26	Не приими лица на душу твою и не срамляйся о падении твоем.
4:27	Не возбрани словесе во время спасения:
4:28	в словеси бо познана будет премудрость, и наказание в глаголех языка.
4:29 См.: 🔗Тит. 1:9	Не пререкай противу истины и о ненаказании твоем срамляйся:
4:30 См.: 🔗1Ин. 1:9	не стыдися исповедати грехи твоя и не воспящай быстрины речныя.
4:31	И не подстелися мужу бую и не обинися лица сильнаго.
4:32 См.: 🔗Лк. 13:24 🔗2Кор. 13:8 🔗1Тим. 6:12	Даже до смерти подвизайся о истине, и Господь Бог поборет по тебе.
4:33	Не буди скор языком твоим, ленив же и слаб в делех твоих.
4:34	Не буди яко лев в дому твоем и жестоконеистов в рабех твоих.
4:35 См.: 🔗Деян. 20:35	Не буди рука твоя простерта на взятие, а на отдаяние согбена.