Книга пророка Захарии, глава 9

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 9
9:1 См.: 🔗Ис. 7:8 🔗Иер. 32:19	Пророчество словесе Господня в земли Седраха и Дамаска жертвы его: зане Господь призирает на человеки и на вся колена Израилева,
9:2 См.: 🔗Ам. 6:2 🔗Иез. 28:12	и во Имафе в пределех его Тир и Сидон, яко умудреша зело.
9:3	И созда Тир твердыни себе и собра сребро яко персть и злато яко брение путий.
9:4 См.: 🔗Ис. 23:1	Сего ради Господь наследит я и поразит в море силу его, и той огнем поястся.
9:5 См.: 🔗Ис. 14:29 🔗Иер. 47:1 🔗Мих. 4:13	Увидит Аскалон и убоится, и Газа и поболит зело, и Аккарон, яко постыдеся о уповании своем: и погибнет царь от Газы, и Аскалон не имать населитися.
9:6	И вселятся иноплеменницы во Азоте, и разрушу досаждение иноплеменников,
9:7	и изму кровь их из уст их и мерзости их из средины зубов их, и оставятся и сии Богу нашему и будут яко тысящник во Иуде, и Аккарон якоже Иевусей.
9:8 См.: 🔗Зах. 2:5 🔗Пс. 33:8 🔗Дан. 11:20	И подставлю храму Моему воздвижение, еже не сквозе ходити, ниже возвращатися, и ктому не имать приити на ня изгоняяй: яко ныне видех очима Моима.
9:9 См.: 🔗Ис. 62:11 🔗Соф. 3:14 🔗Мф. 21:5 🔗Ин. 12:15	Радуйся зело, дщи Сионя, проповедуй, дщи Иерусалимля: се, Царь твой грядет тебе праведен и спасаяй, той кроток и всед на подяремника и жребца юна.
9:10 См.: 🔗Пс. 71:8	И потребит колесницы от Ефрема и кони от Иерусалима, и потребит лук бранный, и множество, и мир от языков: и обладает водами от моря до моря и от рек до исходищ земли.
9:11 См.: 🔗Иер. 31:33 🔗Евр. 2:14	И ты в крови завета твоего испустил еси узники твоя от рова не имуща воды.
9:12	Сядите в тверделех, связани сонмища, и за един день пришелствия твоего сугубо воздам ти.
9:13 См.: 🔗Пс. 44:6 🔗Евр. 4:12	Занеже напрягох тя Себе, Иудо, яко лук, исполних Ефрема, и воздвигну чада твоя, Сионе, на чада Еллинска, и осяжу тя яко мечь ратника.
9:14 См.: 🔗Пс. 44:6 🔗Ис. 27:13 🔗Ис. 60:2	И Господь на них явится, и изыдет яко молния стрела Его: и Господь Бог Вседержитель в трубу вострубит и пойдет в шуме прещения своего.
9:15 См.: 🔗1Кор. 10:4	Господь Вседержитель защитит их, и поядят я, и посыплют их камением пращным, и испиют кровь их яко вино, и исполнят окрины яко жертвенник.
9:16 См.: 🔗Иез. 34:12 🔗Ин. 10:11 🔗Еф. 2:20	И спасет я Господь Бог их в день он, яко овцы люди Своя: зане камение свято валяется на земли Его.
9:17	Аще что благо его, и аще что добро его, пшеница юношам и вино благоуханно девам.