Книга Неемии, глава 10

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 10
10:1 См.: 🔗Неем. 9:38 🔗1Езд. 2:63	И в печатлеющих быша сии: Неемиа Артасаста сын Ахалиев и Седекиа
10:2	сын Араиев, и Азариа и Иеремиа,
10:3	Фасур, Амариа, Мелхиа,
10:4	Аттус, Севаниа, Маллух,
10:5	Ирам, Мерамоф, Авдиа,
10:6	Даниил, Ганафон, Варух,
10:7	Месуллам, Авиа, Миамин,
10:8	Маазиа, Велгаи, Самаиа: сии священницы.
10:9	Левити же: Иисус сын Азариин, Ваней от сынов Инададовых, Кадмиил
10:10	и братия его Саваниа, Одуиа, Калитан, Фелиа, Анан,
10:11	Миха, Роов, Асевиа,
10:12	Закхор, Саравиа, Севаниа,
10:13	Одуа, сынове Вануини.
10:14 См.: 🔗1Езд. 2:3 🔗Неем. 7:8	Началницы людий: Форос, Фааф – Моав, Илам, Зафуиа,
10:15	сынове Ванниины Азгад, Вивай,
10:16	Ананиа, Вагой, Идин,
10:17	Атир, Езекиа, Азур,
10:18	Одувиа, Исам, Висий,
10:19	Ариф, Анафоф, Новай,
10:20	Мегафис, Месуллам, Изир,
10:21	Месозевил, Садук, Иеддуа,
10:22	Фалтиа, Анан, Анаиа,
10:23	Осиа, Ананиа, Асув,
10:24	Адой, Фалаа, Совик,
10:25	Раум, Ессавана, Маасиа
10:26	и Аиа, Енан, Инам,
10:27	Малух, Ирам, Ваана.
10:28 См.: 🔗Нав. 9:23 🔗1Езд. 2:43	И прочии от людий, священницы, левити, дверницы, певцы, нафиними и всяк приходяй от людий земских ко закону Божию, жены их, сынове их, дщери их, всяк ведяй и разумеяй,
10:29 См.: 🔗Втор. 29:18 🔗4Цар. 23:3 🔗2Пар. 15:12	укрепляхуся над братиею своею, и заклинаша их, и внидоша в клятву и в роту, еже ходити в законе Божии, иже дан есть рукою Моисеа раба Божия, да сотворят и сохранят вся заповеди Господни и судбы Его и повеления Его,
10:30	и еже не дати дщерей наших людем земским, и дщерей их не возмем сыновом нашым:
10:31 См.: 🔗Исх. 20:10 🔗Лев. 23:3 🔗Лев. 25:4	людие же земли носящии продаемая и вся купуемая во дни субботы продавати, не купим от них в субботы, ни в день святый: и оставим лето седмое, и даяние всех рук.
10:32 См.: 🔗Исх. 30:13	И поставим над нами заповедь даяти нам третию часть дидрахмы на лето, на дело дому Бога нашего,
10:33 См.: 🔗Исх. 25:30 🔗Исх. 29:40 🔗Чис. 29:2	на хлебы предложения и на жертвы повседневныя, и во всесожжение присное суббот, новомесячий, в праздники и во святая, и яже о гресех, помолитися за Израиля, и на дела дому Бога нашего.
10:34 См.: 🔗Лев. 6:12	И жребий метнухом о ношении древес, священницы и левити и людие, носити в дом Бога нашего, по домом отечеств наших, от времене до времене, от лета до лета возжигати на олтари Господу Богу нашему, якоже писано есть в законе,
10:35 См.: 🔗Исх. 23:19 🔗Исх. 34:26 🔗Лев. 19:24	и приносити первородная земли нашея и первородная плода всякаго древа, от лета до лета, в дом Господень,
10:36 См.: 🔗Исх. 13:2	и первенцы сынов наших и скотов наших, якоже писано есть в законе, и первенцы волов наших и стад наших приносити в дом Бога нашего, священником служащым в дому Бога нашего:
10:37 См.: 🔗Лев. 23:17 🔗Чис. 18:12 🔗Втор. 14:22	и начатки жит наших и плод всякаго древа, вина и елеа, приносити будем священником в сокровище дому Божия, и десятину земли нашея левитом, и тии левити десятину приемлют во всех градех дел наших.
10:38 См.: 🔗Втор. 14:23	Будет же священник сын Ааронов с левиты в десятинах левитов, и левити имут приносити десятую часть десятины в дом Бога нашего в сокровище дому Божия,
10:39	яко в сокровища принесут сынове Израилевы и сынове левитстии начатки пшеницы и вина и елеа, и тамо (будут) сосуди святии, и священницы и служителие и дверницы и певцы, и не оставим дому Бога нашего.