Псалтирь, псалом 108

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 108
108:1	Боже, хвалы моея не премолчи:
108:2 См.: 🔗Мк. 14:56	яко уста грешнича и уста льстиваго на мя отверзошася, глаголаша на мя языком льстивым,
108:3	и словесы ненавистными обыдоша мя, и брашася со мною туне.
108:4 См.: 🔗Пс. 119:7 🔗Ин. 8:40	Вместо еже любити мя, оболгаху мя, аз же моляхся:
108:5 См.: 🔗Пс. 34:12 🔗Иер. 18:20	и положиша на мя злая за благая, и ненависть за возлюбление мое.
108:6 См.: 🔗Иов. 17:8	Постави на него грешника, и диавол да станет одесную его:
108:7	внегда судитися ему, да изыдет осужден, и молитва его да будет в грех.
108:8 См.: 🔗Ин. 17:12 🔗Деян. 1:20	Да будут дние его мали, и епископство его да приимет ин:
108:9 См.: 🔗Втор. 28:32	да будут сынове его сири, и жена его вдова:
108:10 См.: 🔗Иов. 20:10	движущеся да преселятся сынове его и воспросят, да изгнани будут из домов своих.
108:11 См.: 🔗Втор. 28:43	Да взыщет заимодавец вся, елика суть его: и да восхитят чуждии труды его.
108:12	Да не будет ему заступника, ниже да будет ущедряяй сироты его:
108:13 См.: 🔗Исх. 20:5 🔗Иов. 18:19 🔗Ис. 14:22	да будут чада его в погубление, в роде единем да потребится имя его.
108:14 См.: 🔗Исх. 20:5 🔗Иер. 18:23	Да воспомянется беззаконие отец его пред Господем, и грех матере его да не очистится:
108:15 См.: 🔗Прит. 10:7 🔗Мф. 27:25	да будут пред Господем выну, и да потребится от земли память их:
108:16 См.: 🔗Иов. 24:20 🔗Иак. 2:13	занеже не помяну сотворити милость, и погна человека нища и убога, и умилена сердцем умертвити.
108:17 См.: 🔗Прит. 11:27 🔗Прем. 1:12	И возлюби клятву, и приидет ему: и не восхоте благословения, и удалится от него.
108:18	И облечеся в клятву яко в ризу, и вниде яко вода во утробу его и яко елей в кости его:
108:19	да будет ему яко риза, в нюже облачится, и яко пояс, имже выну опоясуется.
108:20	Сие дело оболгающих мя у Господа и глаголющих лукавая на душу мою.
108:21	И Ты, Господи, Господи, сотвори со мною имене ради Твоего, яко блага милость Твоя:
108:22	избави мя, яко нищь и убог есмь аз, и сердце мое смятеся внутрь мене.
108:23 См.: 🔗Иов. 14:2 🔗Пс. 143:4	Яко сень, внегда уклонитися ей, отяхся: стрясохся яко прузи.
108:24	Колена моя изнемогоста от поста, и плоть моя изменися елеа ради.
108:25 См.: 🔗Пс. 21:8 🔗Мф. 27:29	И аз бых поношение им: видеша мя, покиваша главами своими.
108:26	Помози ми, Господи Боже мой, и спаси мя по милости Твоей:
108:27 См.: 🔗Пс. 63:10	и да разумеют, яко рука Твоя сия, и Ты, Господи, сотворил еси ю.
108:28 См.: 🔗Мф. 5:44 🔗1Кор. 4:12	Прокленут тии, и Ты благословиши: востающии на мя да постыдятся, раб же Твой возвеселится.
108:29	Да облекутся оболгающии мя в срамоту и одеждутся яко одеждою студом своим.
108:30 См.: 🔗Пс. 21:23	Исповемся Господеви зело усты моими и посреде многих восхвалю Его:
108:31 См.: 🔗Деян. 2:25	яко преста одесную убогаго, еже спасти от гонящих душу мою.