Псалтирь, псалом 138

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 138
138:1 См.: 🔗Прит. 24:12 🔗Ин. 21:17	Господи, искусил мя еси и познал мя еси: ты познал еси седание мое и востание мое.
138:2 См.: 🔗2Цар. 7:20 🔗Иер. 12:3 🔗Втор. 31:21	Ты разумел еси помышления моя издалеча:
138:3 См.: 🔗Пс. 118:168	стезю мою и уже мое Ты еси изследовал и вся пути моя провидел еси.
138:4	Яко несть льсти в языце моем: се, Господи, Ты познал еси
138:5	вся последняя и древняя: Ты создал еси мя и положил еси на мне руку Твою.
138:6	Удивися разум Твой от мене, утвердися, не возмогу к нему.
138:7 См.: 🔗Прем. 1:7	Камо пойду от Духа Твоего? И от лица Твоего камо бежу?
138:8 См.: 🔗Ам. 9:2	Аще взыду на небо, Ты тамо еси: аще сниду во ад, тамо еси.
138:9 См.: 🔗Пс. 54:7	Аще возму криле мои рано и вселюся в последних моря,
138:10	и тамо бо рука Твоя наставит мя, и удержит мя десница Твоя.
138:11 См.: 🔗Иов. 34:22 🔗Иер. 23:24 🔗Евр. 4:13	И рех: еда тма поперет мя? И нощь просвещение в сладости моей.
138:12 См.: 🔗Иак. 1:17	Яко тма не помрачится от Тебе, и нощь яко день просветится: яко тма ея, тако и свет ея.
138:13 См.: 🔗Иов. 10:11	Яко Ты создал еси утробы моя, восприял мя еси из чрева матере моея.
138:14 См.: 🔗Пс. 118:71 🔗Отк. 15:3	Исповемся Тебе, яко страшно удивился еси: чудна дела Твоя, и душа моя знает зело.
138:15 См.: 🔗Еккл. 11:5	Не утаися кость моя от Тебе, юже сотворил еси в тайне, и состав мой в преисподних земли.
138:16 См.: 🔗Сир. 23:29 🔗Иов. 14:5 🔗Мал. 3:16	Несоделанное мое видесте очи Твои, и в книзе Твоей вси напишутся: во днех созиждутся, и никтоже в них.
138:17	Мне же зело честни быша друзи Твои, Боже, зело утвердишася владычествия их:
138:18 См.: 🔗Быт. 22:17	изочту их, и паче песка умножатся: востах, и еще есмь с Тобою.
138:19 См.: 🔗Пс. 5:7	Аще избиеши грешники, Боже: мужие кровей, уклонитеся от мене.
138:20	Яко ревниви есте в помышлениих, приимут в суету грады Твоя.
138:21 См.: 🔗Пс. 100:3	Не ненавидящыя ли Тя, Господи, возненавидех, и о вразех Твоих истаях?
138:22 См.: 🔗Рим. 12:9	Совершенною ненавистию возненавидех я: во враги быша ми.
138:23 См.: 🔗Иов. 31:6 🔗Пс. 25:2	Искуси мя, Боже, и увеждь сердце мое: истяжи мя и разумей стези моя:
138:24 См.: 🔗Пс. 26:11 🔗Пс. 85:11 🔗Пс. 142:8	и виждь, аще путь беззакония во мне, и настави мя на путь вечен.