Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 10 | |
10:1 | И воста по Авимелесе спасти Израиля Фола сын Фуи, сын брата отца его, муж от Иссахара: и сей живяше в Самире в горе Ефремове, |
10:2 | и суди Израиля лет двадесять три, и умре, и погребен быти в Самире. |
10:3 См.: 🔗Быт. 31:21 🔗Чис. 32:1 | И воста по нем Иаир Галаадитин, и суди Израиля лет двадесять два: |
10:4 См.: 🔗Суд. 5:10 | и быша ему сынове тридесять два ездящии на тридесяти двух ослех: и грады им тридесять два: и прозываху их грады Иаировы, даже до днесь, иже суть в земли Галаадове: |
10:5 | и умре Иаир, и погребен бысть в Камоне. |
10:6 См.: 🔗Суд. 2:11 🔗1Цар. 7:3 | И приложиша сынове Израилевы творити злое пред Господем и послужиша Ваалимам и Астарофам и богом Сирским и богом Сидонским и богом Моавлским и богом сынов Аммоних и богом иноплеменников: и оставиша Господа и не работаша Ему. |
10:7 См.: 🔗Суд. 2:14 🔗1Цар. 12:9 | И разгневася Господь яростию на Израиля и предаде их в руку Филистимску и в руку сынов Аммоних. |
10:8 | И озлобиша, и сокрушиша сынов Израилевых в то время осмьнадесять лет, всех сынов Израилевых, иже об ону страну Иордана в земли Аморреа иже в Галааде. |
10:9 | И преидоша сынове Аммони Иордан воевати на Иуду и Вениамина и на дом Ефремов: и оскорблени быша сынове Израилевы зело. |
10:10 См.: 🔗Суд. 3:9 | И возопиша сынове Израилевы ко Господу, глаголюще: согрешихом Тебе, яко оставихом Бога нашего и работахом Ваалиму. |
10:11 | И рече Господь к сыном Израилевым: не от Египта ли и от Аморреа и от сынов Аммоних и от Филистима |
10:12 | и от Сидонян и от Амалика и от Мадиама, иже стужиша вам, и возописте ко Мне, и спасох вы от руки их? |
10:13 | Вы же остависте Мене и работасте богом иным: сего ради не приложу спасти вас: |
10:14 | идите и возопийте к богом, ихже избрасте себе, и тии да спасут вы во время скорби вашея. |
10:15 | И реша сынове Израилевы ко Господу: согрешихом, сотвори ты нам по всему, елико угодно пред очима Твоима: точию избави нас в сей день. |
10:16 См.: 🔗Быт. 35:4 🔗Суд. 2:18 | И извергоша боги чуждыя от среды себе и послужиша Господеви единому: и сжалеся душа Его о утруждении Израилеве. |
10:17 См.: 🔗Суд. 11:11 | И взыдоша сынове Аммони, и ополчишася в Галааде: и собрашася и сынове Израилевы, и ополчишася в Массифе. |
10:18 См.: 🔗Суд. 11:6 | И реша людие князи Галаадстии кийждо ко ближнему своему: муж, иже начнет битися с сынми Аммоновыми, той будет князь всем живущым в Галааде. |