Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 34 | |
34:1 См.: 🔗2Мак. 2:4 | И взыде Моисей от аравофа Моавля на гору Навав, на верх Фазга, яже есть прямо Иерихону: и показа ему Господь всю землю Галаадску даже до Дана, |
34:2 | и всю землю Неффалимлю, и всю землю Ефремову и Манассиину, и всю землю Иудину даже до моря последняго, |
34:3 См.: 🔗4Цар. 2:4 🔗Быт. 19:22 | и пустыню и окрестная (села) Иерихона, град Фиников даже до Сигора, |
34:4 | и рече Господь к Моисею: сия земля, еюже кляхся Аврааму и Исааку и Иакову, глаголя: семени вашему дам ю: и показах ю очесем твоим, и тамо не внидеши. |
34:5 См.: 🔗Чис. 20:12 🔗Нав. 24:29 | И скончася тамо Моисей раб Господень в земли Моавли словом Господним. |
34:6 См.: 🔗Втор. 32:50 🔗Иуд. 1:9 | И погребоша его в земли Моавли близ дому Фогорова. И не уведа никтоже погребения его даже до дне сего. |
34:7 См.: 🔗Втор. 31:2 | Моисею же бе сто и двадесять лет, егда скончася: не отемнесте очи его, ни истлеста устне его. |
34:8 См.: 🔗Чис. 20:29 | И плакашася сынове Израилевы Моисеа во Аравофе Моавли у Иордана близ Иерихона тридесять дний. И скончашася дние плача сетования о Моисей. |
34:9 См.: 🔗Деян. 8:17 🔗Чис. 27:18 | И Иисус сын Навин наполнися духа разума: возложи бо Моисей руце свои на него. И послушаша его сынове Израилевы, и сотвориша якоже заповеда Господь Моисею. |
34:10 | И не воста ктому пророк во Израили якоже Моисей, егоже позна Господь лицем к лицу, |
34:11 | во всех знамениих и чудесех, егоже посла Господь сотворити я в земли Египетстей фараону и рабом его и всей земли его, |
34:12 | дивная великая, и руку крепкую (и мышцу высокую), яже сотвори Моисей пред всем Израилем. |