Послание апостола Павла к Галатам, глава 5

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 5
5:1 См.: 🔗Деян. 15:10 🔗1Пет. 2:16	Свободою убо, еюже Христос нас свободи, стойте, и не паки под игом работы держитеся.
5:2 См.: 🔗Гал. 2:21	Се аз Павел глаголю вам, яко аще обрезаетеся, Христос вас ничтоже пользует.
5:3	Свидетельствую же паки всякому человеку обрезающемуся, яко должен есть весь закон творити.
5:4	Упразднистеся от Христа, иже законом оправдаетеся, от благодати отпадосте:
5:5 См.: 🔗Рим. 5:5	мы бо духом от веры упования правды ждем.
5:6 См.: 🔗Рим. 2:29	О Христе бо Иисусе ни обрезание что может, ни необрезание, но вера любовию поспешествуема.
5:7	Течасте добре: кто вам возбрани не покарятися истине?
5:8	Препрение не от Призвавшаго вы.
5:9 См.: 🔗1Кор. 5:6	Мал квас все смешение квасит.
5:10	Аз надеюся о вас в Господе, яко ничтоже ино разумети будете: смущаяй же вас понесет грех, кто бы ни был.
5:11 См.: 🔗1Кор. 1:23	Аз же, братие, аще обрезание еще проповедую, почто еще гонимь есмь? Убо упразднися соблазн креста.
5:12	О, дабы отсечени были развращающии вас.
5:13 См.: 🔗1Пет. 2:16 🔗1Кор. 8:9	Вы бо на свободу звани бысте, братие: точию да не свобода ваша в вину плоти, но любовию работайте друг другу.
5:14 См.: 🔗Лев. 19:18 🔗Мф. 5:43 🔗Мк. 12:31 🔗Иак. 2:8 🔗Рим. 13:8	Ибо весь закон в единем словеси исполняется, во еже: возлюбиши ближняго твоего якоже себе.
5:15	Аще же друг друга угрызаете и снедаете, блюдитеся, да не друг от друга истреблени будете.
5:16	Глаголю же: духом ходите, и похоти плотския не совершайте:
5:17 См.: 🔗1Пет. 2:11 🔗Рим. 7:23	плоть бо похотствует на духа, дух же на плоть: сия же друг другу противятся, да не яже хощете, сия творите.
5:18 См.: 🔗Рим. 6:14	Аще ли духом водими есте, несте под законом.
5:19 См.: 🔗1Кор. 6:9	Явлена же суть дела плотская, яже суть прелюбодеяние, блуд, нечистота, студодеяние,
5:20	идолослужение, чародеяния, вражды, рвения, завиды, ярости, разжжения, распри, соблазны, ереси,
5:21	зависти, убийства, пиянства, безчинни кличи и подобная сим: яже предглаголю вам, якоже и предрекох, яко таковая творящии Царствия Божия не наследят.
5:22 См.: 🔗Кол. 3:12	Плод же духовный есть любы, радость, мир, долготерпение, благость, милосердие, вера,
5:23	кротость, воздержание: на таковых несть закона.
5:24 См.: 🔗Гал. 2:20	А иже Христовы суть, плоть распяша со страстьми и похотьми.
5:25	Аще живем духом, духом и да ходим.
5:26 См.: 🔗Флп. 2:3	Не бываим тщеславни, друг друга раздражающе, друг другу завидяще.