Псалтирь, псалом 94

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 94
94:1 См.: 🔗Втор. 32:3	Приидите, возрадуемся Господеви, воскликнем Богу спасителю нашему:
94:2	предварим лице Его во исповедании, и во псалмех воскликнем Ему:
94:3 См.: 🔗1Пар. 16:25	яко Бог велий Господь, и Царь велий по всей земли:
94:4 См.: 🔗Пс. 49:10	яко в руце Его вси концы земли, и высоты гор Того суть.
94:5	Яко Того есть море, и Той сотвори е, и сушу руце Его создасте.
94:6 См.: 🔗Пс. 17:7 🔗Пс. 131:7	Приидите, поклонимся и припадем ему, и восплачемся пред Господем сотворшим нас:
94:7 См.: 🔗Евр. 3:7 🔗Евр. 4:7	яко Той есть Бог наш, и мы людие пажити Его и овцы руки Его. Днесь аще глас Его услышите,
94:8	не ожесточите сердец ваших, яко в прогневании, по дни искушения в пустыни:
94:9 См.: 🔗Исх. 17:2	в оньже искусиша Мя отцы ваши, искусиша Мя, и видеша дела Моя.
94:10 См.: 🔗Чис. 14:34	Четыредесять лет негодовах рода того, и рех: присно заблуждают сердцем, тии же не познаша путий Моих:
94:11 См.: 🔗Евр. 4:3	яко кляхся во гневе Моем, аще внидут в покой Мой.