Книга пророка Иеремии, глава 33

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 33
33:1 См.: 🔗Иер. 32:2	И бысть слово Господне ко Иеремии вторицею, тойже бяше еще связан во дворе темничнем, глаголя:
33:2 См.: 🔗Исх. 15:3 🔗Пс. 82:19	тако рече Господь, творяй землю и устрояяй ю, еже исправити ю, Господь имя Ему:
33:3	возопий ко Мне, и отвещаю ти и возвещу тебе великая и крепкая, ихже не разумел еси.
33:4 См.: 🔗Иер. 22:10	Яко тако рече Господь Бог Израилев о домех града сего и о храмех царя Иудина, растерзанных на остроги и на забрала,
33:5 См.: 🔗Втор. 31:17	еже противитися ко Халдеем, и наполню его мертвыми человеки, ихже поразих во гневе Моем и в ярости Моей, и отвратих лице Мое от них всех ради злоб их.
33:6 См.: 🔗Иер. 30:17	Се, Аз наведу на ня срастение язвы и изцеление, и изврачую я и явлю им, еже слушати, и изцелю я и сотворю им мир и веру:
33:7 См.: 🔗Иер. 29:14 🔗Иер. 30:3 🔗Иер. 31:4	и обращу преселение Иудино и преселение Израилево, и согражду я, якоже и прежде,
33:8 См.: 🔗Иер. 31:34	и очищу я от всех неправд их, имиже согрешиша Ми, и милостив буду всем неправдам их, имиже отступиша от Мене.
33:9 См.: 🔗Втор. 26:19	И будет в веселие и во хвалу и в величие всем людем земли, иже услышат вся благоты, яже Аз сотворю им, и убоятся, и огорчатся о всех благотах и о всем мире, егоже Аз сотворю им.
33:10 См.: 🔗Иер. 32:43	Тако рече Господь: еще услышится в сем месте, о немже вы глаголете: пусто есть от человек и от скот, во градех Иудиных и вне Иерусалима, опустевших, понеже несть человека, ни скота,
33:11 См.: 🔗Пс. 135:1	глас веселия и глас радости, глас жениха и глас невесты, глас глаголющих: исповедайтеся Господеви Вседержителю, яко благ Господь, яко в век милость Его: и принесут дары похваления в дом Господень, яко возвращу все преселение земли тоя по прежнему, рече Господь.
33:12	Тако глаголет Господь Сил: еще будут на сем месте пустем, за еже не быти человеку, ни скоту, во всех градех его обиталища пастухов пасущих овцы,
33:13	во градех горних и во градех польных, и во градех нагев и в земли Вениамини, и во окрестных Иерусалима и во градех Иудиных, еще пойдут овцы к руце изчисляющаго, глаголет Господь.
33:14 См.: 🔗Иер. 23:5	Се, дние грядут, рече Господь, и возставлю слово благо, еже глаголах к дому Израилеву и к дому Иудину.
33:15 См.: 🔗Ис. 11:1 🔗Иер. 23:5	Во днех онех и в то время произрастити сотворю Давиду Отрасль правды, и сотворит суд и правду на земли.
33:16 См.: 🔗Втор. 33:28 🔗Иер. 23:6	Во днех онех спасен будет Иуда, и Иерусалим пребудет в надежди: и сие есть имя, имже нарекут Его: Господь праведен наш.
33:17 См.: 🔗Ис. 11:1 🔗Лк. 1:32	Тако бо рече Господь: не оскудеет от Давида муж седяй на престоле дому Израилева:
33:18 См.: 🔗1Пет. 2:5 🔗Ис. 61:6 🔗Мал. 3:3	и от жерцев и от левитов не погибнет муж от лица Моего, приносяй всесожжения и дар и творяй жертвы по вся дни.
33:19	И бысть слово Господне ко Иеремии глаголя:
33:20 См.: 🔗Иер. 31:37	тако глаголет Господь: может ли разоритися завет Мой со днем и завет Мой с нощию, еже не быти дню и нощи во время свое?
33:21	То и завет Мой разорится с Давидом рабом Моим, еже не быти от него сыну царствующу на престоле его, и с левиты и священники рабы Моими.
33:22 См.: 🔗Быт. 15:5 🔗Быт. 22:17 🔗Быт. 28:14	Якоже сочтены быти не могут звезды небесныя, ни измерен быти песок морский, тако умножу семя раба Моего Давида и левиты служители Моя.
33:23	И бысть слово Господне ко Иеремии глаголя:
33:24	еда не видел еси, что рекоша людие сии, глаголюще: два народа, ихже избра Господь, и се, отверже я: и преогорчиша людий Моих, (сего ради) яко да не будет ктому народ пред ними?
33:25 См.: 🔗Иер. 31:36 🔗Иер. 33:20	Тако рече Господь: не положих ли убо завета Моего между днем и нощию и законов небеси и земли?
33:26 См.: 🔗Пс. 125:1 🔗Иер. 31:20 🔗Иез. 39:25	Тогда и семя Иаковле и Давида раба Моего отвергу, еже не прияти от семене его князей семене Авраама и Исаака и Иакова: яко паки возвращу плен их и помилую их.