Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 22 | |
22:1 См.: 🔗Ис. 15:3 | Что бысть тебе, яко ныне возлезосте вси на храмины тщетныя? |
22:2 См.: 🔗Ис. 27:10 | Наполнися град вопиющих, уязвленнии твои не мечьми уязвлени, ниже мертвецы твои умерщвлени ратию: |
22:3 | вси князи твои побегоша, и плененнии жестоце суть связани, и крепцыи в тебе далече отбежаша. |
22:4 См.: 🔗Иер. 4:20 | Сего ради рекох: оставите мене, да горце восплачуся: не належите утешати мя о сокрушении дщере рода моего: |
22:5 См.: 🔗Ис. 13:5 | яко день мятежа и пагубы и попрания, и смятение от Господа Саваофа: в дебри Сиони скитаются, от мала даже до велика скитаются по горам. |
22:6 См.: 🔗Ис. 21:2 🔗Иер. 49:35 | Еламите же взяша тулы, и всадницы человецы на конех, и собор ополчения. |
22:7 | И будут избранны дебри твоя, наполнятся колесниц, конницы же заступят врата твоя |
22:8 См.: 🔗3Цар. 7:2 🔗3Цар. 10:17 | и открыют врата Иудина, и воззрят в той день во избранныя домы града, |
22:9 | и открыют сокровенная домов краеградия Давидова, и узрят, яко множайшии суть, и яко отвратиша воду древния купели во град, |
22:10 См.: 🔗Иер. 33:4 | и яко разориша домы Иерусалимли на утверждение стене градней. |
22:11 См.: 🔗Ис. 7:3 | И сотвористе себе воду между двема стенама, внутрьуду купели древния, и не воззресте на Сотворившаго ю исперва, и Сограждшаго ю не видесте. |
22:12 См.: 🔗Мих. 1:16 | И призва Господь, Господь Саваоф в той день плачь и рыдание, и острижение и препоясание во вретища: |
22:13 | тии же сотвориша радость и веселие, закалающе телцы и жруще овцы, яко ясти мяса и пити вино, глаголюще: да ямы и пием, утре бо умрем. |
22:14 См.: 🔗Мф. 12:32 🔗Евр. 6:4 | И откровенна сия суть во ущию Господа Саваофа, яко не оставится вам той грех, дондеже умрете. |
22:15 | Сице глаголет Господь Саваоф: иди в кущу ко Сомнану строителю дому и рцы ему: |
22:16 | что ты зде, и что тебе зде, яко истесал еси себе зде гроб и сотворил еси себе на высоце гроб, и написал еси себе на камени кущу? |
22:17 | Се, ныне Господь Саваоф извержет и сотрет мужа, и отимет утварь твою и венец твой славный, |
22:18 См.: 🔗Пс. 48:11 🔗Иер. 22:18 | и повержет тя во страну велику и безмерну, и тамо умреши: и положит колесницу твою добрую в безчестие и дом князя твоего в попрание: |
22:19 | и извержешися от строителства твоего и от степене твоего. |
22:20 См.: 🔗4Цар. 18:18 | И будет в той день, и призову раба Моего Елиакима сына Хелкиева |
22:21 | и облеку его во утварь твою, и венец твой дам ему и державу твою, и строителство твое дам в руце его, и будет яко отец живущым во Иерусалиме и живущым во Иудеи. |
22:22 См.: 🔗Иов. 12:14 🔗Отк. 3:7 | И дам ему славу Давидову, и обвладеет, и не будет противоглаголющаго: и дам ему ключь дому Давидова на рамо его, и отверзет, и не будет затворяющаго, и затворит, и не будет отверзающаго. |
22:23 См.: 🔗1Езд. 9:8 🔗Зах. 10:4 | И поставлю его князя на месте верне, и будет на престоле славы дому отца своего. |
22:24 | И будет уповаяй на него всяк славный в дому отца его, от мала даже до велика: и будут зависяще на нем. |
22:25 См.: 🔗Ис. 21:17 | В той день, сия глаголет Господь Саваоф, подвигнется человек утвержден на месте верне, и отимется, и падет, и потребится слава, яже на нем, яко Господь глагола. |