Книга Премудрости Иисуса, сына Сирахова, глава 23 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 23
23:1	Господи Отче и Владыко живота моего, не остави мене в совете их и не даждь ми впасти в ня.
23:2	Кто возложит на помышление мое раны и на сердце мое наказание премудрости, да о неразумиих моих не пощадят, и да не прейдут греси их?
23:3	Яко да не умножатся неведения моя и греси мои премнози да не будут, и падуся пред супостаты, и порадуетмися враг мой.
23:4 См.: 🔗Гал. 5:24	Господи Отче и Боже живота моего, не даждь возношения очима моима и вожделение отврати от мене.
23:5	Чрева похоть и блудодеяния да не оымут мя, и безстудней души не предаждь мене.
23:6	Послушайте, чада, наказания уст: храняй бо не ят будет устнама своима.
23:7	Устнама своима ят будет грешник, и клеветник и гордый поползнется в них.
23:8	Заклинанию не обучай уст своих
23:9 См.: 🔗Исх. 20:7 🔗Мф. 5:34	и клятися именем Святым не навыкай.
23:10	Якоже бо раб истязуемь часто от ран не умалится, такожде и кленыйся именем Святым всегда от греха не очистится.
23:11 См.: 🔗Лев. 19:12 🔗Втор. 5:11	Муж кленыйся много исполнится беззакония, и не отступит от дому его язва:
23:12 См.: 🔗Лев. 5:4	аще согрешит, грех его на нем, и аще презрит, сугубо согрешит:
23:13	и аще вотще кляся, не оправдится, исполнится бо дом его нападения.
23:14 См.: 🔗Лев. 24:15	Есть беседа облечена смертию: да не обрящется во наследии Иаковли:
23:15	от благочестивых бо вся сия отступят, и во грехи не впадутся.
23:16 См.: 🔗Мф. 5:33	В ненаказании неключимем не обучай уст своих: есть бо в нем слово греха.
23:17 См.: 🔗Сир. 3:3	Помяни отца твоего и матерь твою, посреде бо вельмож седиши:
23:18	да не како забвен будеши пред ними, и обычаем своим обуяеши и похощеши, дабы ты не родился, и день рождения твоего прокленеши.
23:19 См.: 🔗Прит. 10:18	Человек обучаяся словесем поношения во всех днех своих не научится.
23:20	Два вида умножают грехи и третий наводит гнев:
23:21	душа тепла, яко огнь горящь, не угаснет, дондеже поглощена будет:
23:22 См.: 🔗Евр. 13:4	человек блудник в теле плоти своея не престанет, дондеже возжжет огнь.
23:23 См.: 🔗Прит. 9:17	Человеку блудну всяк хлеб сладок, не престанет, дондеже умрет.
23:24 См.: 🔗Ис. 29:15	Человек преступаяй ложе свое, глаголя в души своей: кто мя видит?
23:25 См.: 🔗Иез. 8:12	Тма окрест мене, и стены закрывают мя, и никтоже мя видит, кого убоюся? Грехов моих не воспомянет Вышний.
23:26	И очи человечестии страх его:
23:27 См.: 🔗Сир. 17:16 🔗Евр. 4:13	и не разуме, яко очи Господни тмами тем крат светлейшии солнца суть,
23:28 См.: 🔗Иер. 23:24	прозирающии вся пути человеческия и разсматряющии в тайных местех:
23:29 См.: 🔗Пс. 138:16	прежде неже создана быша, вся уведена ему, такожде и по скончании.
23:30 См.: 🔗Лев. 20:10	Сей на путех града отмщен будет, и идеже не надеяшеся, ят будет.
23:31	Такожде и жена оставльшая мужа своего и приемлющая наследника от иного:
23:32 См.: 🔗Втор. 22:22 🔗Ин. 8:5	первое бо от закона Вышняго отступи, и второе мужу своему согреши, и третие блудом прелюбодействова, от чуждаго мужа чада сотвори:
23:33 См.: 🔗Втор. 22:22 🔗Иез. 16:40	сия пред собор изведена будет, и на чадех ея посещение будет:
23:34 См.: 🔗Прем. 3:16 🔗Прем. 4:3	не укоренятся чада ея в корень, и ветви ея не сотворят плода:
23:35 См.: 🔗Чис. 5:27	и оставит на клятву память свою, и поношение ея не потребится.
23:36 См.: 🔗Пс. 18:11 🔗Пс. 118:72	И уразумеют оставльшиися, яко ничтоже лучше страха Господня, и ничтоже сладчае, токмо внимати заповедем Господним.
23:37	Слава велия еже последовати Богу, долгота же дний еже прияту тебе быти от Него.