Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 33 | |
33:1 См.: 🔗Сир. 3:8 | И сие благословение, имже благослови Моисей человек Божий сыны Израилевы прежде скончания своего, |
33:2 | и рече: Господь от Синаи прииде, и явися от Сиира нам, и приспе от горы Фарани, и прииде со тмами святых, одесную Его ангели с ним, |
33:3 См.: 🔗Прем. 3:1 | и пощаде люди Своя: и вси освященнии под руками Твоими, и сии под Тобою суть. |
33:4 См.: 🔗Пс. 147:8 | И прия от словес Его закон, егоже заповеда нам Моисей, наследие сонму Иаковлю: |
33:5 | и будет в Возлюбленнем князь, собравшымся князем людским купно с племены Израилевыми. |
33:6 См.: 🔗Быт. 49:3 | Да живет Рувим, и да не умрет, и Симеон да будет мног числом. |
33:7 См.: 🔗Быт. 49:10 🔗Евр. 7:14 | И сие Иуде: услыши, Господи, глас Иудин и в люди его вниди: руце его поборют по нем, и помощник на враги его да будеши. |
33:8 | И Левию рече: дадите Левию явленная Его, и истину Его мужу преподобну, егоже искусиша Искушением, укориша его у воды Пререкания: |
33:9 | глаголяй отцу своему и матери своей: не видех тебе: и братии своея не позна, и сынов своих не уведе: сохрани словеса Твоя и завет Твой соблюде: |
33:10 | явят оправдания Твоя Иакову и закон Твой Израилю: возложат фимиам во гневе Твоем всегда на олтарь Твой: |
33:11 | благослови, Господи, крепость его и дела руку его приими: порази чресла воставших на него врагов его, и ненавидящии его да не востанут. |
33:12 См.: 🔗Нав. 18:11 | И Вениамину рече: возлюбленный Господем уповаяй вселится (в Нем), и Бог осеняет его во вся дни, и посреде рамен Его почи. |
33:13 См.: 🔗Быт. 27:28 🔗Быт. 49:22 | И Иосифови рече: от благословения Господня земля его, от красот небесных и росы, и от бездн источников низу, |
33:14 | и во время плодов солнечных обращений, и от схождений месячных, |
33:15 | и от верха гор начала, и от верха холмов вечных, |
33:16 См.: 🔗Исх. 3:2 | и по времени земли исполнения: и приятная Явившемуся в купине, да приидут на главу Иосифу, и на версе прославивыйся в братии. |
33:17 См.: 🔗Чис. 23:22 🔗Быт. 48:19 | Первородный юнца доброта его, рози единорога рози его: ими языки избодет вкупе даже до края земли: сия тмы Ефремовы, и сия тысящи Манассиины. |
33:18 | И Завулону рече: возвеселися, Завулоне, во исходе твоем, и Иссахаре в селениих твоих: |
33:19 См.: 🔗Пс. 50:19 | языки потребят: и призовете тамо, и пожрете тамо жертву правды: яко богатство морское воздоит тя, и купли от язык при мори живущих. |
33:20 См.: 🔗Быт. 49:19 | И Гаду рече: благословен разширяяй Гада: яко лев почи, сокрушивый мышцу и князя: |
33:21 | и виде начатки своя, яко тамо разделися земля, князей собранных вкупе с началники людскими: правду Господь сотвори и суд Свой со Израилем. |
33:22 См.: 🔗Нав. 19:47 | И Дану рече: Дан, скимен львов, и изскочит от Васана. |
33:23 См.: 🔗Быт. 49:21 | И Неффалиму рече: Неффалиму насыщение приятных, и да насытится благословением от Господа: море и юг наследит. |
33:24 См.: 🔗Нав. 19:24 | И Асиру рече: благословен от чад Асир, и будет приятен братии своей: омочит в елей ногу свою: |
33:25 | железо и медь сапог его будет, и аки дни твоя крепость твоя. |
33:26 | Несть якоже Бог Возлюбленнаго: восходяй на небо помощник твой, и великолепый в тверди: |
33:27 | и покрыет тя Божие начало, и под крепостию мышцей вечных: и отженет от лица твоего врага, глаголя: да погибнеши: |
33:28 См.: 🔗Иер. 23:6 🔗Иер. 33:16 | и вселится Израиль уповая един на земли Иаковли в вине и пшенице: и небо ему облачно росою. |
33:29 | Блажен еси, Израилю: кто подобен тебе, людие спасаемии от Господа? Защитит помощник твой, и мечь хвала твоя: и солжут тебе врази твои, и ты на выю их наступиши. |