Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 19 | |
19:1 | Нечестивым же до конца без милости ярость найде: предведе бо их и будущая, |
19:2 См.: 🔗Исх. 14:5 | яко тии отпустившии, еже отити, и со тщанием предпославше их, поженут вслед раскаявшеся: |
19:3 См.: 🔗Исх. 12:30 | еще бо в руках имеюще рыдания и сетующе над гробами мертвых, ин себе взяша помысл безумия, и ихже моляще изгнаша, сих аки беглецев гоняху. |
19:4 | Влечаше бо их к сему концу достойная нужда, и приключшихся забытие вложи, да и прочую к мучением принаполнят казнь: |
19:5 | и людие убо Твои преславное путьшествие прейдут, они же странну обрящут смерть. |
19:6 | Все бо творение во своем ему роде паки свыше преобразовашеся, служащее свойственным Твоим повелением, да отроцы Твои сохранятся невреждени. |
19:7 См.: 🔗Исх. 13:21 🔗Исх. 14:16 | Облак осеняяй полк их, и из преждебывшия воды открытие сухия земли явися, и из моря Чермнаго путь невозбранен, и поле злачное от волнения зелнаго: |
19:8 | имже весь язык пройде, Твоею рукою покровени, видяще дивная чудеса. |
19:9 См.: 🔗Ис. 63:13 🔗Исх. 15:1 | Якоже бо кони насытишася, и яко агнцы взыграшася, хваляще Тя, Господи, избавльшаго их: |
19:10 См.: 🔗Исх. 8:3 | воспомянуша бо еще, яже во обитании их, како убо вместо рождения животных изведе земля скнипы, вместо же рыб изрыгну река множество жаб. |
19:11 | Последи же видеша и новое рождение птиц, егда похотением подвигшеся, просиша сладостныя пищи. |
19:12 | Во утешение бо взыдоша им от моря крастели: и мучения грешным наидоша, не без бывших знамений силою молний: праведне бо пострадаша за своя злобы, |
19:13 См.: 🔗Исх. 1:11 | ибо лютейшее ненавидение странных совершиша: инии убо незнаемых не приемляху пришелцев, сии же благодетелей странных порабощаху. |
19:14 | И не токмо, но аще кое разсмотрение будет их: зане враждебно приемляху чуждых. |
19:15 | Сии же с празднествами приемше приобщившихся уже их обычаем, жесточайшими озлобиша трудами. |
19:16 См.: 🔗Быт. 19:11 | Побиени же быша и ослеплением, якоже онии при дверех праведника, егда великою обложени тмою, кийждо своих дверий прохода искаше. |
19:17 | Сами бо собою стихии пременяемы, якоже в гуслех гласы сличия имя пременяют, всегда храняще звук: еже есть видети от зрака бывших известно. |
19:18 См.: 🔗Исх. 14:22 | Земная бо в водная прелагахуся, и плавающая прехождаху на землю. |
19:19 См.: 🔗Исх. 9:23 🔗Прем. 16:17 | Огнь возмогаше в воде вышше своея силы, и вода угашающую силу забы. |
19:20 См.: 🔗Исх. 16:21 🔗Прем. 16:27 | Пламень вопреки удоботленных животных не вреди плотей в нем ходящих, ниже таяше ледовидный удоботаяй род сладостныя пищи. |
19:21 | По всему бо, Господи, возвеличил еси люди Твоя и прославил еси, и не презрел еси, во всяцем времени и месте предстояй. |