Вторая книга Паралипоменон (Вторая книга Хроник, Вторая Летопись), глава 12

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 12
12:1 См.: 🔗2Пар. 11:17 🔗Втор. 32:15 🔗3Цар. 14:22	И бысть егда устроися царство Ровоамово, и укрепися, остави заповеди Господни, и весь Израиль с ним.
12:2 См.: 🔗3Цар. 14:25	И бысть в лето пятое царства Ровоамля взыде Сусаким царь Египетский на Иерусалим, зане согрешиша пред Господем,
12:3	с тысящию и двема сты колесниц и шестьдесят тысящ конник, и не бе числа народу пришедшему с ним от Египта, Ливиане, Троглодитяне и Ефиопляне:
12:4	и взяша грады крепкия, иже бяху во Иуде, и приидоша даже до Иерусалима.
12:5 См.: 🔗2Пар. 15:2	Самеа же пророк вниде к Ровоаму и к началником Иудиным, иже собрани бяху во Иерусалим от лица Сусакимова, и рече к ним: сия рече Господь: вы остависте Мя, и Аз оставлю вас в руку Сусакима.
12:6 См.: 🔗Дан. 9:14	И посрамишася началницы Израилевы и царь и рекоша: праведен Господь.
12:7 См.: 🔗Иер. 18:8	Егда же виде Господь, яко смиришася, и бысть слово Господне к Самею, глаголя: смиришася, не разорю их, и дам им вмале спасение, и не уканет ярость Моя на Иерусалим,
12:8	обаче будут в рабы, да познают работу Мою и работу царства земли.
12:9 См.: 🔗3Цар. 10:16 🔗3Цар. 14:26 🔗2Пар. 9:15	И взыде Сусаким царь Египетский во Иерусалим, и взя сокровища, яже в дому Господни, и сокровища, яже в дому цареве, вся взя: и взя щиты златыя, ихже сотвори Соломон.
12:10 См.: 🔗3Цар. 14:27	И сотвори царь Ровоам щиты медяны вместо их. И постави на ним Сусаким царь Египетский началников предходящих стрегущих врата царева:
12:11	и бысть внегда входити царю в дом Господень, вхождаху стрегущии и предходящии, и обращающеся восхождаху предходящии ко оружехранителнице своей.
12:12 См.: 🔗3Цар. 14:13 🔗3Цар. 21:29	И егда смирися той, отвратися от него ярость Господня, а не в разорение в конец: ибо и во Иуде бяху словеса блага.
12:13 См.: 🔗3Цар. 14:21	И укрепися царь Ровоам во Иерусалиме и царствова: четыредесяти же и единаго лета бысть Ровоам, егда царствовати нача, и седмьнадесять лет царствова во Иерусалиме, во граде, егоже избра Господь, да именуется имя Его ту от всех колен Израилевых. Имя же матери его Ноома Амманитыня.
12:14	И сотвори лукавое, яко не исправи сердца своего, да взыщет Господа.
12:15 См.: 🔗3Цар. 14:29 🔗3Цар. 15:6	Словеса же Ровоамова первая и последняя не се ли, суть писана в словесех Самеа пророка и Адда провидящаго, и деяния его? И воеваше Ровоам и Иеровоам во вся дни.
12:16 См.: 🔗3Цар. 14:31	И умре Ровоам и погребен бысть со отцы своими во граде Давидове. И воцарися Авиа сын его вместо его.