Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 118 | |
118:1 | Блажени непорочнии в путь, ходящии в законе Господни. |
118:2 См.: 🔗Пс. 18:12 | Блажени испытающии свидения Его, всем сердцем взыщут Его. |
118:3 См.: 🔗1Ин. 5:18 | Не делающии бо беззакония в путех Его ходиша. |
118:4 См.: 🔗Втор. 4:5 | Ты заповедал еси заповеди Твоя сохранити зело: |
118:5 См.: 🔗Лк. 1:6 | дабы исправилися путие мои, сохранити оправдания Твоя. |
118:6 См.: 🔗1Ин. 2:3 🔗Гал. 6:16 | Тогда не постыжуся, внегда призрети ми на вся заповеди Твоя. |
118:7 | Исповемся Тебе в правости сердца, внегда научитимися судбам правды Твоея. |
118:8 | Оправдания Твоя сохраню: не остави мене до зела. |
118:9 См.: 🔗Ин. 15:3 🔗1Пет. 1:22 | В чесом исправит юнейший путь свой? Внегда сохранити словеса Твоя. |
118:10 См.: 🔗Ис. 63:17 | Всем сердцем моим взысках Тебе: не отрини мене от заповедий Твоих. |
118:11 См.: 🔗Втор. 6:6 | В сердцы моем скрых словеса Твоя, яко да не согрешу Тебе. |
118:12 | Благословен еси, Господи: научи мя оправданием Твоим. |
118:13 | Устнама моима возвестих вся судбы уст Твоих. |
118:14 | На пути свидений Твоих насладихся, яко о всяком богатстве. |
118:15 | В заповедех Твоих поглумлюся, и уразумею пути Твоя. |
118:16 | Во оправданиих Твоих поучуся: не забуду словес Твоих. |
118:17 | Воздаждь рабу Твоему: живи мя, и сохраню словеса Твоя. |
118:18 См.: 🔗Втор. 17:19 | Открый очи мои, и уразумею чудеса от закона Твоего. |
118:19 См.: 🔗1Пар. 29:15 🔗Евр. 11:13 | Пришлец аз есмь на земли: не скрый от мене заповеди Твоя. |
118:20 | Возлюби душа моя возжелати судбы Твоя на всякое время. |
118:21 См.: 🔗Втор. 11:28 | Запретил еси гордым: прокляти уклоняющиися от заповедий Твоих. |
118:22 | Отими от мене понос и уничижение, яко свидений Твоих взысках. |
118:23 См.: 🔗Пс. 2:2 | Ибо седоша князи и на мя клеветаху, раб же Твой глумляшеся во оправданиих Твоих: |
118:24 См.: 🔗Втор. 17:19 | ибо свидения Твоя поучение мое есть, и совети мои оправдания Твоя. |
118:25 | Прильпе земли душа моя: живи мя по словеси Твоему. |
118:26 | Пути моя возвестих, и услышал мя еси: научи мя оправданием Твоим. |
118:27 | Путь оправданий Твоих вразуми ми, и поглумлюся в чудесех Твоих. |
118:28 | Воздрема душа моя от уныния: утверди мя в словесех Твоих. |
118:29 | Путь неправды отстави от мене и законом Твоим помилуй мя. |
118:30 См.: 🔗3Цар. 8:36 | Путь истины изволих и судбы Твоя не забых. |
118:31 | Прилепихся свидением Твоим, Господи, не посрами мене. |
118:32 См.: 🔗Лк. 19:6 | Путь заповедий Твоих текох, егда разширил еси сердце мое. |
118:33 | Законоположи мне, Господи, путь оправданий Твоих, и взыщу и выну: |
118:34 См.: 🔗Неем. 9:20 | вразуми мя, и испытаю закон Твой и сохраню и всем сердцем моим. |
118:35 | Настави мя на стезю заповедий Твоих, яко тую восхотех. |
118:36 См.: 🔗1Цар. 8:3 | Приклони сердце мое во свидения Твоя, а не в лихоимство. |
118:37 См.: 🔗Мф. 18:9 | Отврати очи мои еже не видети суеты: в пути Твоем живи мя. |
118:38 | Постави рабу Твоему слово Твое в страх Твой. |
118:39 См.: 🔗Мф. 6:13 | Отими поношение мое, еже непщевах: яко судбы Твоя благи. |
118:40 | Се, возжелах заповеди Твоя: в правде Твоей живи мя. |
118:41 | И да приидет на мя милость Твоя, Господи, спасение Твое по словеси Твоему: |
118:42 | и отвещаю поношающым ми слово, яко уповах на словеса Твоя. |
118:43 | И не отими от уст моих словесе истинна до зела, яко на судбы Твоя уповах: |
118:44 См.: 🔗Ин. 15:10 | и сохраню закон Твой выну, в век и в век века. |
118:45 | И хождах в широте, яко заповеди Твоя взысках: |
118:46 См.: 🔗Рим. 1:16 | и глаголах о свидениих Твоих пред цари и не стыдяхся: |
118:47 | и поучахся в заповедех Твоих, яже возлюбих зело: |
118:48 | и воздвигох руце мои к заповедем Твоим, яже возлюбих, и глумляхся во оправданиих Твоих. |
118:49 | Помяни словеса Твоя рабу Твоему, ихже упование дал ми еси. |
118:50 См.: 🔗Пс. 18:8 🔗Иер. 15:16 | То мя утеши во смирении моем, яко слово Твое живи мя. |
118:51 См.: 🔗Втор. 17:11 | Гордии законопреступоваху до зела: от закона же Твоего не уклонихся. |
118:52 | Помянух судбы Твоя от века, Господи, и утешихся. |
118:53 | Печаль прият мя от грешник, оставляющих закон Твой. |
118:54 | Пета бяху мне оправдания Твоя на месте пришелствия моего. |
118:55 См.: 🔗Пс. 62:7 | Помянух в нощи имя Твое, Господи, и сохраних закон Твой. |
118:56 | Сей бысть мне, яко оправданий Твоих взысках. |
118:57 См.: 🔗Чис. 18:20 | Часть моя еси, Господи: рех сохранити закон Твой. |
118:58 | Помолихся лицу Твоему всем сердцем моим: помилуй мя по словеси Твоему. |
118:59 | Помыслих пути Твоя и возвратих нозе мои во свидения Твоя. |
118:60 | Уготовихся и не смутихся сохранити заповеди Твоя. |
118:61 См.: 🔗Кол. 2:8 | Ужя грешник обязашася мне, и закона Твоего не забых. |
118:62 См.: 🔗Деян. 16:25 | Полунощи востах исповедатися Тебе о судбах правды Твоея. |
118:63 См.: 🔗Сир. 37:15 | Причастник аз есмь всем боящымся Тебе и хранящым заповеди Твоя. |
118:64 См.: 🔗Пс. 32:5 | Милости Твоея, Господи, исполнь земля: оправданием Твоим научи мя. |
118:65 | Благость сотворил еси с рабом Твоим, Господи, по словеси Твоему: |
118:66 | благости и наказанию и разуму научи мя, яко заповедем Твоим веровах. |
118:67 См.: 🔗Евр. 12:10 | Прежде даже не смиритимися, аз прегреших: сего ради слово Твое сохраних. |
118:68 | Благ еси Ты, Господи: и благостию Твоею научи мя оправданием Твоим. |
118:69 | Умножися на мя неправда гордых: аз же всем сердцем моим испытаю заповеди Твоя. |
118:70 См.: 🔗Мф. 13:15 | Усырися яко млеко сердце их: аз же закону Твоему поучихся. |
118:71 См.: 🔗2Кор. 7:10 | Благо мне, яко смирил мя еси, яко да научуся оправданием Твоим. |
118:72 См.: 🔗Пс. 118:127 | Благ мне закон уст Твоих паче тысящ злата и сребра. |
118:73 См.: 🔗Иов. 10:8 | Руце Твои сотвористе мя и создасте мя: вразуми мя, и научуся заповедем Твоим. |
118:74 | Боящиися Тебе узрят мя и возвеселятся, яко на словеса Твоя уповах. |
118:75 См.: 🔗Отк. 19:2 | Разумех, Господи, яко правда судбы Твоя, и воистинну смирил мя еси. |
118:76 | Буди же милость Твоя, да утешит мя, по словеси Твоему рабу Твоему: |
118:77 | да приидут мне щедроты Твоя, и жив буду, яко закон Твой поучение мое есть: |
118:78 | да постыдятся гордии, яко неправедно беззаконноваша на мя: аз же поглумлюся в заповедех Твоих. |
118:79 | Да обратят мя боящиися Тебе и ведящии свидения Твоя. |
118:80 | Буди сердце мое непорочно во оправданиих Твоих, яко да не постыжуся. |
118:81 См.: 🔗Пс. 118:166 | Изчезает во спасение Твое душа моя, на словеса Твоя уповах: |
118:82 | изчезоша очи мои в слово Твое, глаголюще: когда утешиши мя? |
118:83 См.: 🔗Иов. 30:30 | Зане бых яко мех на слане: оправданий Твоих не забых. |
118:84 | Колико есть дний раба Твоего? Когда сотвориши ми от гонящих мя суд? |
118:85 | Поведаша мне законопреступницы глумления, но не яко закон Твой, Господи. |
118:86 См.: 🔗Ин. 17:17 | Вся заповеди Твоя истина: неправедно погнаша мя, помози ми. |
118:87 | Вмале не скончаша мене на земли: аз же не оставих заповедий Твоих. |
118:88 | По милости Твоей живи мя, и сохраню свидения уст Твоих. |
118:89 См.: 🔗Ис. 40:8 🔗Мф. 24:35 | Во век, Господи, слово Твое пребывает на небеси. |
118:90 | В род и род истина Твоя: основал еси землю, и пребывает. |
118:91 | Учинением Твоим пребывает день: яко всяческая работна Тебе. |
118:92 См.: 🔗Пс. 18:8 🔗Иер. 15:16 | Яко аще бы не закон Твой поучение мое был, тогда убо погибл бых во смирении моем: |
118:93 | во век не забуду оправданий Твоих, яко в них оживил мя еси. |
118:94 | Твой есмь аз, спаси мя: яко оправданий Твоих взысках. |
118:95 | Мене ждаша грешницы погубити мя: свидения Твоя разумех. |
118:96 | Всякия кончины видех конец: широка заповедь Твоя зело. |
118:97 См.: 🔗Втор. 17:19 | Коль возлюбих закон Твой, Господи: весь день поучение мое есть. |
118:98 | Паче враг моих умудрил мя еси заповедию Твоею, яко в век моя есть. |
118:99 См.: 🔗Втор. 4:6 | Паче всех учащих мя разумех, яко свидения Твоя поучение мое есть. |
118:100 См.: 🔗Прем. 8:10 | Паче старец разумех, яко заповеди Твоя взысках. |
118:101 | От всякаго пути лукава возбраних ногам моим, яко да сохраню словеса Твоя: |
118:102 | от судеб Твоих не уклонихся, яко Ты законоположил ми еси. |
118:103 См.: 🔗Пс. 18:11 | Коль сладка гортани моему словеса Твоя: паче меда устом моим. |
118:104 См.: 🔗Пс. 118:128 | От заповедий Твоих разумех: сего ради возненавидех всяк путь неправды. |
118:105 См.: 🔗2Пет. 1:19 | Светилник ногама моима закон Твой, и свет стезям моим. |
118:106 См.: 🔗Неем. 10:29 🔗Иов. 27:5 | Кляхся и поставих сохранити судбы правды Твоея. |
118:107 | Смирихся до зела: Господи, живи мя по словеси Твоему. |
118:108 См.: 🔗Пс. 18:15 | Вольная уст моих благоволи же, Господи, и судбам Твоим научи мя. |
118:109 | Душа моя в руку Твоею выну, и закона Твоего не забых. |
118:110 См.: 🔗Пс. 139:6 | Положиша грешницы сеть мне: и от заповедий Твоих не заблудих. |
118:111 | Наследовах свидения Твоя во век, яко радование сердца моего суть: |
118:112 См.: 🔗3Цар. 8:58 | приклоних сердце мое сотворити оправдания Твоя в век за воздаяние. |
118:113 | Законопреступныя возненавидех, закон же Твой возлюбих. |
118:114 | Помощник мой и заступник мой еси Ты: на словеса Твоя уповах. |
118:115 См.: 🔗Пс. 6:9 🔗Пс. 100:4 | Уклонитеся от мене, лукавнующии, и испытаю заповеди Бога моего. |
118:116 См.: 🔗Пс. 24:2 | Заступи мя по словеси Твоему, и жив буду: и не посрами мене от чаяния моего: |
118:117 | помози ми, и спасуся, и поучуся во оправданиих Твоих выну. |
118:118 См.: 🔗Рим. 8:6 | Уничижил еси вся отступающыя от оправданий Твоих: яко неправедно помышление их. |
118:119 | Преступающыя непщевах вся грешныя земли: сего ради возлюбих свидения Твоя. |
118:120 См.: 🔗Лк. 12:5 🔗Деян. 5:5 | Пригвозди страху Твоему плоти моя: от судеб бо Твоих убояхся. |
118:121 | Сотворих суд и правду: не предаждь мене обидящым мя. |
118:122 | Восприими раба Твоего во благо, да не оклеветают мене гордии. |
118:123 | Очи мои изчезосте во спасение Твое и в слово правды Твоея: |
118:124 См.: 🔗Пс. 142:2 | сотвори с рабом Твоим по милости Твоей, и оправданием Твоим научи мя. |
118:125 | Раб Твой есмь аз: вразуми мя, и увем свидения Твоя. |
118:126 См.: 🔗Еккл. 8:11 | Время сотворити Господеви: разориша закон Твой. |
118:127 См.: 🔗Пс. 18:11 | Сего ради возлюбих заповеди Твоя паче злата и топазиа. |
118:128 См.: 🔗Пс. 118:104 | Сего ради ко всем заповедем Твоим направляхся, всяк путь неправды возненавидех. |
118:129 | Дивна свидения Твоя: сего ради испыта я душа моя. |
118:130 См.: 🔗Пс. 18:9 🔗Мф. 11:25 | Явление словес Твоих просвещает и вразумляет младенцы. |
118:131 | Уста моя отверзох и привлекох дух, яко заповедий Твоих желах. |
118:132 См.: 🔗Пс. 6:5 | Призри на мя и помилуй мя, по суду любящих имя Твое. |
118:133 | Стопы моя направи по словеси Твоему, и да не обладает мною всякое беззаконие: |
118:134 | избави мя от клеветы человеческия, и сохраню заповеди Твоя. |
118:135 См.: 🔗Пс. 66:2 | Лице Твое просвети на раба Твоего и научи мя оправданием Твоим. |
118:136 См.: 🔗Иак. 4:9 | Исходища водная изведосте очи мои, понеже не сохраних закона Твоего. |
118:137 См.: 🔗Исх. 9:27 | Праведен еси, Господи, и прави суди Твои: |
118:138 См.: 🔗Втор. 4:5 | заповедал еси правду свидения Твоя, и истину зело. |
118:139 См.: 🔗Пс. 68:10 | Истаяла мя есть ревность Твоя: яко забыша словеса Твоя врази мои. |
118:140 См.: 🔗2Цар. 22:31 🔗Прит. 30:5 | Разжжено слово Твое зело, и раб Твой возлюби е. |
118:141 | Юнейший аз есмь и уничижен: оправданий Твоих не забых. |
118:142 См.: 🔗Ин. 17:17 | Правда Твоя правда во век, и закон Твой истина. |
118:143 | Скорби и нужди обретоша мя: заповеди Твоя поучение мое. |
118:144 | Правда свидения Твоя в век: вразуми мя, и жив буду. |
118:145 | Воззвах всем сердцем моим, услыши мя, Господи: оправдания Твоя взыщу. |
118:146 | Воззвах Ти, спаси мя, и сохраню свидения Твоя. |
118:147 См.: 🔗Пс. 5:4 🔗Пс. 87:14 | Предварих в безгодии и воззвах: на словеса Твоя уповах. |
118:148 См.: 🔗Ис. 26:9 | Предваристе очи мои ко утру, поучитися словесем Твоим. |
118:149 | Глас мой услыши, Господи, по милости Твоей: по судбе Твоей живи мя. |
118:150 | Приближишася гонящии мя беззаконием: от закона же Твоего удалишася. |
118:151 См.: 🔗Ин. 17:17 | Близ еси Ты, Господи, и вси путие Твои истина. |
118:152 См.: 🔗Мф. 5:18 🔗1Пет. 1:25 | Исперва познах от свидений Твоих, яко в век основал я еси. |
118:153 | Виждь смирение мое и изми мя: яко закона Твоего не забых. |
118:154 См.: 🔗Пс. 36:6 | Суди суд мой и избави мя: словесе ради Твоего живи мя. |
118:155 См.: 🔗Пс. 108:17 | Далече от грешник спасение, яко оправданий Твоих не взыскаша. |
118:156 | Щедроты Твоя многи, Господи: по судбе Твоей живи мя. |
118:157 См.: 🔗Пс. 3:1 | Мнози изгонящии мя и стужающии ми: от свидений Твоих не уклонихся. |
118:158 См.: 🔗Деян. 17:16 | Видех неразумевающыя и истаях: яко словес Твоих не сохраниша. |
118:159 | Виждь, яко заповеди Твоя возлюбих: Господи, по милости Твоей живи мя. |
118:160 | Начало словес Твоих истина, и во век вся судбы правды Твоея. |
118:161 См.: 🔗Ис. 66:2 | Князи погнаша мя туне: и от словес Твоих убояся сердце мое. |
118:162 См.: 🔗Ис. 9:3 | Возрадуюся аз о словесех Твоих, яко обретаяй корысть многу. |
118:163 См.: 🔗Пс. 100:7 | Неправду возненавидех и омерзих: закон же Твой возлюбих. |
118:164 | Седмерицею днем хвалих Тя о судбах правды Твоея. |
118:165 См.: 🔗Гал. 6:16 🔗1Ин. 2:10 | Мир мног любящым закон Твой, и несть им соблазна. |
118:166 См.: 🔗Быт. 49:18 | Чаях спасения Твоего, Господи, и заповеди Твоя возлюбих. |
118:167 | Сохрани душа моя свидения Твоя и возлюби я зело. |
118:168 См.: 🔗Пс. 138:3 | Сохраних заповеди Твоя и свидения Твоя, яко вси путие мои пред Тобою, Господи. |
118:169 | Да приближится моление мое пред Тя, Господи: по словеси Твоему вразуми мя. |
118:170 | Да внидет прошение мое пред Тя: Господи, по словеси Твоему избави мя. |
118:171 | Отрыгнут устне мои пение, егда научиши мя оправданием Твоим. |
118:172 | Провещает язык мой словеса Твоя, яко вся заповеди Твоя правда. |
118:173 | Да будет рука Твоя еже спасти мя, яко заповеди Твоя изволих. |
118:174 | Возжелах спасение Твое, Господи, и закон Твой поучение мое есть. |
118:175 | Жива будет душа моя и восхвалит Тя: и судбы Твоя помогут мне. |
118:176 См.: 🔗Ис. 53:6 🔗1Пет. 2:25 | Заблудих яко овча погибшее: взыщи раба Твоего, яко заповедий Твоих не забых. |