Послание апостола Павла к Евреям, глава 12

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 12
12:1 См.: 🔗1Пет. 2:1 🔗Рим. 6:12 🔗Еф. 4:22 🔗Кол. 3:8	Темже убо и мы, толик имуще облежащь нас облак свидетелей, гордость всяку отложше и удобь обстоятелный грех, терпением да течем на предлежащий нам подвиг,
12:2 См.: 🔗Лк. 23:46 🔗Флп. 2:8	взирающе на началника веры и совершителя Иисуса, Иже вместо предлежащия Ему радости претерпе крест, о срамоте нерадив, о десную же престола Божия седе.
12:3 См.: 🔗Лк. 2:34 🔗Деян. 28:22 🔗Гал. 6:9	Помыслите убо таковое Пострадавшаго от грешник на Себе прекословие, да не стужаете, душами своими ослабляеми.
12:4 См.: 🔗1Кор. 10:13	Не у до крове стасте, противу греха подвизающеся,
12:5 См.: 🔗Отк. 3:19	и забысте утешение, еже вам яко сыном глаголет: сыне мой, не пренемогай наказанием Господним, ниже ослабей, от Него обличаемь.
12:6 См.: 🔗Прит. 3:11 🔗Иов. 5:17 🔗Пс. 93:12	Егоже бо любит Господь, наказует: биет же всякаго сына, егоже приемлет.
12:7	Аще наказание терпите, якоже сыновом обретается вам Бог. Который бо есть сын, егоже не наказует отец?
12:8	Аще же без наказания есте, емуже причастницы быша вси, убо прелюбодейчищи есте, а не сынове.
12:9 См.: 🔗Чис. 16:22 🔗Иов. 12:10 🔗Еккл. 12:7 🔗Зах. 12:1	К сим, плоти нашей отцы имехом наказатели, и срамляхомся: не много ли паче повинемся Отцу духовом, и живи будем?
12:10 См.: 🔗Мф. 7:11 🔗Тит. 2:12	Они бо в мало дний, якоже годе им бе, наказоваху нас: а Сей на пользу, да причастимся святыни Его.
12:11	Всякое бо наказание в настоящее время не мнится радость быти, но печаль: последи же плод мирен наученым тем воздает правды.
12:12 См.: 🔗Ис. 35:3	Темже ослабленныя руки и ослабленная колена исправите
12:13	и стези правы сотворите ногами вашими, да не хромое совратится, но паче да изцелеет.
12:14 См.: 🔗Рим. 12:18 🔗2Кор. 7:1 🔗1Фес. 4:3	Мир имейте и святыню со всеми, ихже кроме никтоже узрит Господа:
12:15 См.: 🔗Втор. 29:18 🔗Гал. 5:9 🔗2Тим. 2:17	смотряюще, да не кто лишится благодати Божия: да не кий корень горести, выспрь прозябаяй, пакость сотворит, и тем осквернятся мнози:
12:16 См.: 🔗Быт. 25:33 🔗1Кор. 6:15	да не кто блудодей, или сквернитель, якоже Исав, иже за ядь едину отдал есть первородство свое.
12:17 См.: 🔗Быт. 27:34	Весте бо, яко и потом похотев наследовати благословение, отвержен бысть: покаяния бо места не обрете, аще и со слезами поискал его.
12:18 См.: 🔗Исх. 19:12	Не приступисте бо к горе осязаемей и разгоревшемуся огню, и облаку и сумраку, и буре
12:19 См.: 🔗Исх. 20:19	и трубному звуку, и гласу глаголгол, егоже слышавшии отрекошася, да не приложится им слово,
12:20 См.: 🔗Исх. 19:13	не терпяху бо повелевающаго: аще и зверь прикоснется горе, камением побиен будет:
12:21 См.: 🔗Втор. 33:2 🔗Пс. 67:18	и тако страшно бе видимое, Моисей рече: пристрашен есмь и трепетен.
12:22 См.: 🔗Гал. 4:26 🔗Отк. 3:12	Но приступисте к Сионстей горе и ко граду Бога живаго, Иерусалиму небесному и тмам Ангелов,
12:23 См.: 🔗Иер. 31:9 🔗Лк. 10:20 🔗Отк. 13:8	торжеству и церкви первородных на небесех написанных, и Судии всех Богу и духом праведник совершенных,
12:24 См.: 🔗Быт. 4:10 🔗1Тим. 2:5	и к Ходатаю завета новаго Иисусу и Крови кропления, лучше глаголющей, нежели Авелева.
12:25 См.: 🔗Евр. 1:2 🔗Евр. 2:1 🔗Евр. 3:17	Блюдите (же), да не отречетеся Глаголющаго. Аще бо не избежаша они отрекшиися пророчествующаго на земли, множае паче мы отрицающиися небеснаго,
12:26 См.: 🔗Аг. 2:6 🔗Исх. 19:18	Егоже глас землю тогда поколеба, ныне же обетова, глаголя: еще единою Аз потрясу не токмо землею, но и небом.
12:27 См.: 🔗Пс. 101:27 🔗Мф. 24:35	А еже еще единою, сказует колеблемых преложение, аки сотворенных, да пребудут, яже суть неподвижимая.
12:28 См.: 🔗Лк. 1:33	Темже царство непоколебимо приемлюще, да имамы благодать, еюже служим благоугодно Богу с благоговением и страхом,
12:29 См.: 🔗Втор. 4:24 🔗Чис. 11:1 🔗Пс. 49:3 🔗Дан. 7:9	ибо Бог наш огнь поядаяй (есть).