Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 83 | |
83:1 См.: 🔗Пс. 80:1 | В конец, о точилех, сыном Кореовым, псалом. |
83:2 | Коль возлюбленна селения Твоя, Господи сил. |
83:3 См.: 🔗Пс. 41:3 | Желает и скончавается душа моя во дворы Господни: сердце мое и плоть моя возрадовастася о Бозе живе. |
83:4 | Ибо птица обрете себе храмину, и горлица гнездо себе, идеже положит птенцы своя, олтари Твоя, Господи сил, Царю мой и Боже мой. |
83:5 | Блажени живущии в дому Твоем: в веки веков восхвалят Тя. |
83:6 | Блажен муж, емуже есть заступление его у Тебе: восхождения в сердцы своем положи, |
83:7 | во юдоль плачевную, в место еже положи: ибо благословение даст законополагаяй. |
83:8 См.: 🔗Ис. 40:29 🔗Рим. 1:17 | Пойдут от силы в силу: явится Бог богов в Сионе. |
83:9 | Господи Боже сил, услыши молитву мою, внуши, Боже Иаковль. |
83:10 | Защитниче наш, виждь, боже, и призри на лице христа Твоего. |
83:11 См.: 🔗1Цар. 26:19 🔗2Цар. 6:22 | Яко лучше день един во дворех Твоих паче тысящ: изволих приметатися в дому Бога моего паче, неже жити ми в селениих грешничих. |
83:12 См.: 🔗Лк. 22:35 | Яко милость и истину любит Господь, Бог благодать и славу даст: Господь не лишит благих ходящих незлобием. |
83:13 См.: 🔗Пс. 2:12 🔗Прит. 3:5 | Господи Боже сил, блажен человек уповаяй на Тя. |