Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 20 | |
20:1 См.: 🔗Втор. 4:13 | И глагола Господь вся словеса сия к Моисею глаголя: |
20:2 См.: 🔗Втор. 5:6 🔗Пс. 80:11 | Аз есмь Господь Бог твой, изведый тя от земли Египетския, от дому работы: |
20:3 См.: 🔗Втор. 5:7 | да не будут тебе бози инии разве Мене. |
20:4 | Не сотвори себе кумира и всякаго подобия, елика на небеси горе и елика на земли низу, и елика в водах под землею: |
20:5 См.: 🔗Чис. 14:18 🔗Втор. 5:9 | да не поклонишися им, ни послужиши им: Аз бо есмь Господь Бог твой, Бог ревнитель, отдаяй грехи отец на чада до третияго и четвертаго рода ненавидящым Мене, |
20:6 См.: 🔗Исх. 34:7 🔗Втор. 5:10 | и творяй милость в тысящах любящым Мя и хранящым повеления Моя. |
20:7 | Не возмеши имене Господа Бога твоего всуе: не очистит бо Господь приемлющяго имя Его всуе. |
20:8 | Помни день субботный, еже святити его: |
20:9 См.: 🔗Лев. 23:3 🔗Втор. 5:13 | шесть дний делай и сотвориши (в них) вся дела твоя: |
20:10 См.: 🔗Втор. 5:14 🔗Мф. 12:2 | в день же седмый, суббота Господу Богу твоему: да не сотвориши всякаго дела в онь ты и сын твой и дщерь твоя, и раб твой и раба твоя, и вол твой и осля твое и всякий скот твой, и пришлец обитаяй у тебе: |
20:11 | зане в шести днех сотвори Господь небо и землю, море и вся яже в них, и почи в день седмый: сего ради благослови Господь день седмый и освяти его. |
20:12 | Чти отца твоего и матерь твою, да благо ти будет и да долголетен будеши на земли блазе, юже Господь Бог твой дает тебе. |
20:13 | Не убий. |
20:14 См.: 🔗Втор. 5:18 🔗Мф. 5:27 | Не прелюбы сотвори. |
20:15 См.: 🔗Втор. 5:19 | Не укради. |
20:16 См.: 🔗Втор. 5:20 | Не послушествуй на друга своего свидетелства ложна. |
20:17 | Не пожелай жены искренняго твоего, не пожелай дому ближняго твоего, ни села его, ни раба его, ни рабыни его, ни вола его, ни осла его, ни всякаго скота его, ни всего, елика суть ближняго твоего. |
20:18 См.: 🔗Евр. 12:19 | И вси людие зряху глас и свещы, и глас трубный и гору дымящуюся: и убоявшеся вси людие сташа издалече, |
20:19 См.: 🔗Втор. 18:16 🔗Евр. 12:19 | и рекоша Моисею: глаголи ты с нами, и да не глаголет к нам Бог, да не когда умрем. |
20:20 См.: 🔗Быт. 22:1 | Рече же им Моисей: дерзайте: искушения бо ради прииде Бог к вам, яко да будет страх Его в вас, да не согрешаете. |
20:21 См.: 🔗3Цар. 8:12 🔗Евр. 12:18 | Стояху же вси людие издалече: Моисей же вниде во мрак, идеже бяше Бог. |
20:22 | Рече же Господь к Моисею: сия речеши дому Иаковлю и возвестиши сыном Израилевым: вы видесте, яко с небесе глаголах к вам: |
20:23 См.: 🔗Исх. 34:17 | не сотворите себе сами богов сребряных и богов златых не сотворите самым себе: |
20:24 См.: 🔗Исх. 27:8 🔗Втор. 12:11 | олтарь из земли сотворите Ми и пожрете на нем всесожжения ваша и спасителная ваша, и овцы и телцы вашя, на всяком месте, идеже нареку имя Мое тамо, и прииду к тебе и благословлю тя: |
20:25 См.: 🔗Втор. 27:5 🔗Нав. 8:31 | аще же олтарь от камений сотвориши Ми, да не устроиши их тесаных: сечиво бо твое аще возложиши на них, то осквернятся: |
20:26 См.: 🔗Исх. 28:42 | да не взыдеши по степенем ко олтарю Моему, яко да не открыеши срамоты твоея на нем. |