Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 22 | |
22:1 | И глагола Давид ко Господу словеса песни сея в день, в оньже избави и Господь из руки всех враг его и из руки Сауловы, |
22:2 См.: 🔗Пс. 17:3 | и рече песнь: Господи, каменю мой и утверждение мое, и избавляяй мя мне: |
22:3 | Бог мой, хранитель мой будет мне, уповая буду на Него: защитник мой и рог спасения моего, Заступник мой и прибежище мое спасения моего, от неправеднаго спасеши мя. |
22:4 | Хвальнаго призову Господа, и от враг моих спасуся: |
22:5 | яко одержаша мя болезни смертныя и потоцы беззакония смятоша мя, |
22:6 | болезни смертныя обыдоша мя, предвариша мя жестокости смертныя. |
22:7 | Внегда скорбети ми призову Господа, и к Богу моему воззову, и услышит от храма святаго Своего глас мой, и вопль мой внидет во ушы Его. |
22:8 См.: 🔗Пс. 17:8 | И смятеся и трепетна бысть земля, и основания небесе смятошася и подвигошася, яко прогневася на ня Господь: |
22:9 См.: 🔗Исх. 24:17 🔗Втор. 4:24 | взыде дым гневом Его, и огнь из уст Его пояст: углие возгорешася от Него, |
22:10 | и преклони небеса и сниде, и мрак под ногама Его, |
22:11 | и вседе на Херувимы и лете, и явися на крилу ветреню, |
22:12 См.: 🔗Иов. 36:28 🔗Ис. 50:3 | и положи тму закров Свой: окрест Его селение Его, темноту вод огусти во облацех воздушных: |
22:13 | от сияния пред Ним разгорешася углие огненнии. |
22:14 См.: 🔗Пс. 28:3 | И возгреме с небесе Господь, и Вышний даде глас Свой, |
22:15 | и посла стрелы, и расточи их: и блесну молнию, и устраши я: |
22:16 | и явишася источницы морстии, и открышася основания вселенныя от запрещения Господня, от дохновения духа гнева Его: |
22:17 | посла с высоты и прият мя, извлече мя от вод многих: |
22:18 | избави мя от враг моих сильных и от ненавидящих мя, яко укрепишася паче мене: |
22:19 | предвариша мя в день печали моея. И бысть Господь утверждение мое, |
22:20 См.: 🔗Пс. 30:9 | и изведе мя на широту, и избави мя, яко благоволи во мне. |
22:21 См.: 🔗Иов. 22:30 🔗Пс. 4:2 | И воздаде ми Господь по правде моей, и по чистоте руку моею воздаде ми, |
22:22 | яко сохраних пути Господни и не нечествовах от Бога моего, |
22:23 | яко вся судбы Его предо мною, и оправдания Его не отступиша от мене, |
22:24 | и буду непорочен Ему, и сохранюся от беззакония моего. |
22:25 См.: 🔗Пс. 7:10 | И воздаст ми Господь по правде моей и по чистоте руку моею пред очима Его. |
22:26 | С преподобным преподобен будеши, и с мужем неповинным неповинен будеши: |
22:27 | и со избранным избран будеши, и со строптивым развратишися: |
22:28 | люди же смиренныя спасеши, и очи гордых смириши. |
22:29 | Яко Ты просвещаеши светилник мой, Господи, и Господь просветит ми тму мою: |
22:30 | яко Тобою потеку препоясан, и о Бозе моем прелезу стену. |
22:31 | Крепок, непорочен путь Его: глаголгол Господень державен, разжжен: защитник есть всем уповающым на Него. |
22:32 См.: 🔗Исх. 15:11 🔗Ис. 43:11 | Яко кто крепок разве Господа? И кто творец разве Бога нашего? |
22:33 | Крепок укрепляяй мя силою, и положи непорочен путь мой: |
22:34 | положивый нозе мои яко елени, и на высоких поставляяй мя: |
22:35 См.: 🔗Быт. 49:8 🔗Втор. 33:29 | научаяй руце мои на брань, и положивый лук медян мышца моя. |
22:36 См.: 🔗Пс. 3:4 | И дал ми еси защищение спасения моего, и кротость Твоя умножи мя. |
22:37 | Разширил еси стопы моя подо мною, и не позыбнустеся голени мои. |
22:38 | Пожену враги моя и потреблю я, и не возвращуся дондеже скончаю их: |
22:39 См.: 🔗Пс. 26:2 | и сокрушу их, и не востанут, и падут под ногама моима. |
22:40 | И укрепиши мя силою на брань, подклониши востающыя на мя под мя. |
22:41 См.: 🔗Быт. 49:8 | И враги моя дал ми еси хребет, ненавидящыя мя, и умертвил еси их: |
22:42 | возопиют, и несть помощника, ко Господу, и не услыша их: |
22:43 | и истних я яко прах земный, яко брение путий истончих я. |
22:44 См.: 🔗2Цар. 8:6 🔗Пс. 59:10 | И избавиши мя от пререкания людий моих, сохраниши мя в главу языков. И людие, ихже не ведях, работаша ми. |
22:45 | Сынове чуждии солгаша ми, в слух уха услыша мя: |
22:46 | сынове чуждии отвержени будут, и вострепещут во градех своих. |
22:47 | Жив Господь, и благословен хранитель мой, и вознесется Бог мой, хранитель спасения моего. |
22:48 | Крепкий Господь даяй отмщения мне и наказуяй люди под мя, |
22:49 | и изводяй мя от враг моих, и от востающих на мя вознесеши мя, от мужа неправедна избавиши мя. |
22:50 См.: 🔗Рим. 15:9 | Сего ради исповемся Тебе, Господи, во языцех, и имени Твоему воспою: |
22:51 | величаяй спасения царя Своего, и творяй милость христу Своему Давиду и семени его до века. |