Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 30 | |
30:1 | Слово бывшее ко Иеремии от Господа глаголя: |
30:2 См.: 🔗Иер. 36:2 | тако рече Господь Бог Израилев глаголя: впиши вся словеса в книги, яже глаголах к тебе. |
30:3 См.: 🔗Иер. 25:12 | Яко се, дние грядут, рече Господь, и возвращу преселение людий Моих Израиля и Иуды, рече Господь Вседержитель, и возвращу я на землю, юже дах отцем их, и овладеют ею. |
30:4 | И сия словеса, яже глагола Господь о Израили и о Иуде. |
30:5 | Тако рече Господь: глас страха услышите: страх, и несть мира. |
30:6 См.: 🔗Иер. 4:31 | Вопросите и видите, аще раждает мужеск пол? И о страсе, в немже имети будут чресла и спасение? Понеже видех всякаго человека, и руце его на чреслех его аки раждающия: обратишася лица в желтую болезнь. |
30:7 | О, люте! Яко бысть велик день той и несть подобна ему: и время тесно есть Иакову, и от того спасется. |
30:8 | В той день, рече Господь, сокрушу ярем со выи их и узы их расторгну: и не послужат тии ктому чуждим, |
30:9 См.: 🔗Иез. 34:24 | но послужат тии Господу Богу своему: и Давида царя их возставлю им. |
30:10 См.: 🔗Ис. 44:2 🔗Иер. 46:27 | Сего ради ты не бойся, рабе Мой Иакове, глаголет Господь, ни устрашайся, Израилю: яко се, Аз спасу тя из земли дальния и семя твое из земли пленения их: и возвратится паки Иаков и почиет и всякаго добра исполнен будет, и не будет устрашаяй тя. |
30:11 | Яко Аз с тобою есмь, глаголет Господь, спасаяй тя: яко сотворю скончание во всех языцех, в няже разсеях тя: тебе же не сотворю во скончание, но накажу тя в суде и очищая не очищу тя. |
30:12 См.: 🔗Иер. 8:22 | Тако бо глаголет Господь: возставих сокрушение твое, болезненна есть язва твоя, |
30:13 | несть судяй суда твоего, на болезнь врачевался еси, пользы несть тебе: |
30:14 См.: 🔗Плч. 1:19 🔗Иер. 2:19 | вси друзие твои забыша тя, ниже вопросят тя, яже о мире твоем: яко язвою вражиею поразих тя, наказанием твердым: множества ради неправды твоея превозмогоша греси твои. |
30:15 См.: 🔗Иер. 13:22 🔗Иер. 15:18 | Что вопиеши о сокрушении твоем? Неизцельна есть болезнь твоя множества ради неправды твоея, и твердых ради грехов твоих сотворих ти сия (вся). |
30:16 См.: 🔗Исх. 23:22 🔗Ис. 41:11 | Того ради вси ядущии тя изядени будут, и вси врази твои плоть их всю изядят: во множестве неправды твоея умножишася греси твои, сотвориша сия тебе: и будут разграбляющии тя в разграбление, и всех пленяющих тя дам во пленение. |
30:17 См.: 🔗Иер. 33:6 | Яко обяжу язву твою и от ран твоих уврачую тя, рече Господь: яко расточенным называху тя, Сионе ловитва наша есть, яко несть взыскающаго его. |
30:18 См.: 🔗Иер. 31:23 | Тако глаголет Господь: се, Аз возвращу преселение Иаковле и пленники его помилую, и возградится град в высоту свою, и храм по чину своему утвердится: |
30:19 | и изыдут из него поющии и глас играющих, и умножу я, и не умалятся. |
30:20 | И внидут сынове их якоже и прежде, и свидения их пред лицем Моим исправятся: и посещу на вся стужающыя им, |
30:21 | и будут крепльшии его на ня, и князь его из него изыдет: и соберу я, и обратятся ко Мне: кто бо есть той, иже приложит сердце свое обратитися ко Мне? Рече Господь. |
30:22 См.: 🔗Иер. 24:7 | И будете Ми в люди, и Аз вам буду в Бога. |
30:23 См.: 🔗Иер. 23:19 | Яко гнев Господень изыде яр, изыде гнев обращаемь, на нечестивыя приидет. |
30:24 См.: 🔗Иер. 23:20 | Не отвратится гнев ярости Господни, дондеже сотворит и дондеже исполнит умышление сердца Своего: в последния дни познаете я. |