Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 65 | |
65:1 | Явлен бых не ищущым Мене, обретохся не вопрошающым о Мне, рекох: се, есмь: языку, иже не призваша имене Моего. |
65:2 См.: 🔗Прит. 1:24 🔗Ис. 50:2 | Прострох руце Мои весь день к людем не покаряющымся и противу глаголющым, иже не ходиша путем истинным, но вслед грехов своих. |
65:3 См.: 🔗Втор. 32:5 🔗Ис. 1:29 | Людие сии разгневляющии Мя пред лицем Моим присно: тии жертвы приносят в вертоградех и кадят во чрепех бесом, иже не суть, |
65:4 См.: 🔗Втор. 14:8 | и во гробех и во пещерах лежат соний ради, иже ядят мяса свиная и юху треб, осквернени сосуди их вси: |
65:5 | иже глаголют: отиди от мене, не прикоснися мне, яко чист есмь. Сей дым ярости Моея, огнь горит в нем вся дни. |
65:6 См.: 🔗Иер. 17:1 | Се, написася предо Мною: не умолчу, дондеже отдам в недра им грехи их и грехи отец их глаголет Господь: |
65:7 См.: 🔗Иез. 18:6 | иже кадяху на горах и на хомех укориша Мя, отдам дела их в недра им. |
65:8 См.: 🔗Мф. 24:22 | Тако глаголет Господь: имже образом обретается ягода на грезне, и рекут: не погуби его, яко благословение есть в нем: тако сотворю служащаго Ми ради, не имам всех погубити ради его: |
65:9 | и изведу из Иакова семя и из Иуды, и наследит гору святую Мою, и наследят избраннии Мои и раби Мои и вселятся тамо. |
65:10 См.: 🔗Ис. 35:2 🔗Нав. 7:26 | И будут во дубраве ограды стадом, и юдоль Ахорская в покоище говядов людем Моим, иже взыскаша Мене. |
65:11 См.: 🔗Иер. 7:18 | Вы же, оставившии Мя и забывающии гору святую Мою, и уготовлящии демону трапезу и исполняющии щастию растворение, |
65:12 | Аз предам вас под мечь, вси закланием падете: яко звах вас и не послушасте, глаголах, и преслушасте и сотвористе лукавое предо Мною и яже не хотех избрасте. |
65:13 См.: 🔗Лк. 6:25 | Сего ради тако глаголет Господь: се, работающии Ми ясти будут, вы же взалчете: се, работающии Ми пити будут, вы же возжаждете: |
65:14 | се, работающии Ми возрадуются, вы же посрамитеся: се, работающии Ми возвеселятся в веселии сердца, вы же возопиете в болезни сердца вашего и от сокрушения духа восплачетеся. |
65:15 | Оставите бо имя ваше в насыщение избранным Моим, вас же избиет Господь: работающым же Мне наречется имя новое, |
65:16 См.: 🔗Втор. 6:13 | еже благословится на земли, благословят бо Бога истиннаго: и кленущиися на земли клятися будут Богом истинным, забудут бо печаль свою первую, и не взыдет им на сердце. |
65:17 | Будет бо небо ново и земля нова, и не помянут прежних, ниже взыдут на сердце их, |
65:18 См.: 🔗Иер. 31:13 | но радость и веселие обрящут на ней, яко се, Аз творю веселие Иерусалиму и людем Моим радость. |
65:19 | И возвеселюся о Иерусалиме и возрадуюся о людех Моих, и ксему не услышится в нем глас плача, ни глас вопля, |
65:20 См.: 🔗Зах. 8:4 | ниже будет тамо младенец, ни старец, иже не исполнит лет своих: будет бо юный ста лет, умираяй же грешник ста лет и проклят будет. |
65:21 См.: 🔗Ис. 62:8 | И созиждут домы и сами вселятся, и насадят винограды и сами снедят плоды их. |
65:22 См.: 🔗Пс. 1:3 🔗Пс. 91:13 | Не созиждут, да инии вселятся, и не насадят, да инии снедят: якоже бо дние древа жизни, будут дние людий Моих: дела бо трудов их обетшают. |
65:23 См.: 🔗Ис. 61:9 🔗Евр. 6:10 | Избраннии же мои не имут трудитися вотще, ниже породят чад на проклятие, яко семя благословено есть Богом, и внуцы их с ними будут. |
65:24 См.: 🔗Пс. 33:16 🔗Ис. 58:9 | И будет, прежде неже воззвати им, Аз услышу их, еще глаголющым им, реку: что есть? |
65:25 См.: 🔗Ис. 11:6 | Тогда волцы и агнцы имут пастися вкупе, и лев яко вол снесть плевы, и змия землю яко хлеб: не повредят, ниже погубят на горе святей Моей, глаголет Господь. |