Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 32 | |
32:1 | Вонми, небо, и возглаголю, и да слышит земля глаголы уст моих, |
32:2 См.: 🔗Ис. 55:10 | да чается яко дождь вещание мое, и да снидут яко роса глаголи мои, яко туча на троскот и яко иней на сено: |
32:3 См.: 🔗Отк. 14:7 | яко имя Господне призвах, дадите величие Богу нашему. |
32:4 См.: 🔗2Цар. 22:2 🔗1Кор. 1:9 | Бог, истинна дела Его, и вси путие Его суд: Бог верен, и несть неправды в Нем: праведен и преподобен Господь. |
32:5 См.: 🔗Ис. 1:4 | Согрешиша, не Того чада порочная: роде строптивый и развращенный, |
32:6 См.: 🔗Мф. 6:9 | сия ли Господеви воздаете, сии людие буии и не мудри? Не Сам ли сей Отец твой стяжа тя, и сотвори тя, и созда тя? |
32:7 См.: 🔗Пс. 76:12 | Помяните дни вечныя, разумейте лета рода родов: вопроси отца твоего, и возвестит тебе, старцы твоя, и рекут тебе. |
32:8 См.: 🔗Быт. 11:8 🔗Деян. 17:26 | Егда разделяюще Вышний языки, яко разсея сыны Адамовы, постави пределы языков по числу ангел Божиих, |
32:9 См.: 🔗1Цар. 10:1 🔗2Цар. 14:16 | и бысть часть Господня, людие Его Иаков, уже наследия Его Израиль: |
32:10 См.: 🔗Ос. 13:5 | удовли его в пустыни, в жажди зноя в безводне: обыде его и наказа его, и сохрани его яко зеницу ока: |
32:11 См.: 🔗Исх. 19:4 | яко орел покры гнездо свое, и на птенцы своя возжеле: простер криле свои и прият их, и подят их на раму своею. |
32:12 См.: 🔗Исх. 13:21 | Господь един вождаше их, и не бе с ними бог чуждь: |
32:13 | возведе я на силу земли, насыти их жит селных: ссаша мед из камене и елей от тверда камене, |
32:14 См.: 🔗Иер. 5:7 | масло кравие и млеко овчее с туком агнчим и овним сынов юнчих и козлих, с туком пшеничным, и кровь гроздову пияху вино. |
32:15 | И яде Иаков и насытися, и отвержеся возлюбленный: уты, утолсте, разшире: и остави Бога сотворшаго его, и отступи от Бога спаса своего. |
32:16 | Прогневаша Мя о чуждих, и в мерзостех своих преогорчиша Мя. |
32:17 См.: 🔗Пс. 105:37 | Пожроша бесовом, а не Богу, богом, ихже не ведеша: нови и секрати приидоша, ихже не ведеша отцы их. |
32:18 См.: 🔗Вар. 4:8 | Бога рождшаго тя оставил еси и забыл еси Бога питающаго тя. |
32:19 | И виде Господь, и возревнова, и раздражися за гнев сынов их и дщерей, |
32:20 См.: 🔗Втор. 31:18 🔗Прит. 14:12 | и рече: отвращу лице Мое от них и покажу, что будет им напоследок, яко род развращен есть, сынове, имже несть веры в них: |
32:21 См.: 🔗Рим. 10:19 | тии раздражиша Мя не от бозе, прогневаша Мя во идолех своих: и Аз раздражу их не о языце, от языце же неразумливе прогневаю их: |
32:22 См.: 🔗Иер. 15:14 | яко огнь возгорится от ярости Моея, разжжется до ада преисподняго, снест землю и жита ея, попалит основания гор: |
32:23 | соберу на них злая, и стрелы Моя скончаю в них: |
32:24 См.: 🔗Авв. 2:17 | тающе гладом и снедию птиц, и горб неисцелен: зубы зверий послю в на, с яростию пресмыкающихся по земли: |
32:25 См.: 🔗Плч. 1:20 | отвне обезчадит их мечь, и от храмов их страх: юноша с девою, ссущее с совершенным старцем. |
32:26 | Рех: разсею их, уставлю же от человек память их: |
32:27 | токмо за гнев врагов, да не долголетствуют, и да не налягут супостати, да не рекут: рука наша высока, и не Господь сотвори сия вся: |
32:28 | яко язык погубивый совет есть, и несть в них художества, не смыслиша разумети: |
32:29 См.: 🔗Иер. 9:12 | сия вся да приимут во грядущее лето. |
32:30 См.: 🔗Лев. 26:8 🔗Ос. 14:10 | Како поженет един тысящы, и два двигнета тмы, аще не Бог отдаде их, и Господь предаде их? |
32:31 | Не суть бо бози их, яко Бог наш: врази же наши неразумливи. |
32:32 | От виноградов бо Содомских виноград их, и розга их от Гоморры: грозд их грозд желчи, грозд горести их: |
32:33 | ярость змиев вино их, и ярость аспидов неисцельна. |
32:34 | Не сия ли вся собрашася у Мене и запечатлешася в сокровищах Моих? |
32:35 | В день отмщения воздам, во время егда соблазнится нога их: яко близ день погибели их, и предстоят готовая вам: |
32:36 См.: 🔗Пс. 134:14 | яко судити имать Господь людем Своим, и о рабех Своих умолен будет: виде бо их разслабленны и истаявшя во время и изнемогшя. |
32:37 См.: 🔗3Цар. 18:27 🔗Иер. 2:28 | И рече Господь: где суть бози их, на нихже уповаша, |
32:38 См.: 🔗Лев. 3:17 | ихже тук жертв их ядясте, и пиясте вино треб их? Да воскреснут и помогут вам, и будут вам покровители. |
32:39 | Видите, видите, яко Аз есмь, и несть Бог разве Мене: Аз убию и жити сотворю: поражу и Аз исцелю, и несть иже измет от руку Моею: |
32:40 См.: 🔗Быт. 22:16 🔗Иер. 10:10 | яко воздвигну на небо руку Мою, и кленуся десницею Моею, и реку: живу Аз во веки: |
32:41 | яко поострю якоже молнию мечь Мой, и приимет суд рука Моя, и воздам месть врагом и ненавидящым Мя воздам: |
32:42 | упою стрелы Моя от крове, и мечь Мой снест мяса от крове язвеных и пленения, от глав князей языческих. |
32:43 | Возвеселитеся, небеса, купно с Ним, и да поклонятся Ему вси Ангели Божии: возвеселитеся, языцы, с людьми Его, и да укрепятся ему вси сынове Божии: яко кровь сынов Своих отмщает и отмстит, и воздаст месть врагом и ненавидящым Его воздаст: и очестит Господь землю людий Своих. |
32:44 См.: 🔗2Мак. 7:6 | И написа Моисей песнь сию в той день, и научи ей сыны Израилевы: и вниде Моисей к людем и глагола вся словеса закона сего во ушы людем, сам и Иисус Навин. |
32:45 | И сконча Моисей глаголя словеса сия вся всему Израилю, |
32:46 | и рече к ним: внемлите сердцем вашим вся словеса сия, яже аз засвидетелствую вам днесь, яже да заповесте сыном вашым, хранити и творити вся словеса закона сего, |
32:47 | яко не тщетно слово сие вам, зане сия жизнь ваша, и ради слова сего долги дни будете на земли, на нюже вы преходите Иордан тамо наследити ю. |
32:48 | И рече Господь к Моисею в день сей, глаголя: |
32:49 См.: 🔗Чис. 27:12 | взыди на гору Аварим, сия гора Навав, яже есть в земли Моавли прямо Иерихону, и виждь землю Ханааню, юже аз даю сыном Израилевым во обдержание: |
32:50 См.: 🔗Чис. 20:25 🔗Чис. 33:38 | и скончайся тамо на горе, на нюже восходиши, и приложися к людем твоим, якоже умре Аарон брат твой на горе Ор и приложися к людем своим: |
32:51 | понеже не покористеся словеси Моему в сынех Израилевых у воды Пререкания Кадис в пустыни Син, понеже не освятисте Мене в сынех Израилевых: |
32:52 См.: 🔗Чис. 20:12 | яко прямо узриши землю, и тамо не внидеши, юже даю сыном Израилевым. |