Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 30 | |
30:1 | В конец, псалом Давиду, изступления. |
30:2 См.: 🔗Ис. 49:23 | На Тя, Господи, уповах, да не постыжуся во век: правдою Твоею избави мя и изми мя. |
30:3 | Приклони ко мне ухо Твое, ускори изяти мя: буди ми в Бога защитителя и в дом прибежища, еже спасти мя. |
30:4 См.: 🔗Пс. 17:3 | Яко держава моя и прибежище мое еси Ты: и имене Твоего ради наставиши мя и препитаеши мя. |
30:5 | Изведеши мя от сети сея, юже скрыша ми: яко Ты еси защититель мой, Господи. |
30:6 См.: 🔗Лк. 23:46 | В руце Твои предложу дух мой: избавил мя еси, Господи Боже истины. |
30:7 См.: 🔗Втор. 32:21 🔗Пс. 61:11 | Возненавидел еси хранящыя суеты вотще: аз же на Господа уповах. |
30:8 | Возрадуюся и возвеселюся о милости Твоей, яко призрел еси на смирение мое, спасл еси от нужд душу мою |
30:9 См.: 🔗Пс. 17:20 | и неси мене затворил в руках вражиих, поставил еси на пространне нозе мои. |
30:10 См.: 🔗Пс. 6:8 | Помилуй мя, Господи, яко скорблю: смятеся яростию око мое, душа моя и утроба моя. |
30:11 См.: 🔗Пс. 108:24 | Яко изчезе в болезни живот мой, и лета моя в воздыханиих: изнеможе нищетою крепость моя, и кости моя смятошася. |
30:12 См.: 🔗Иов. 19:13 | От всех враг моих бых поношение, и соседом моим зело, и страх знаемым моим: видящии мя вон бежаша от мене. |
30:13 См.: 🔗Еккл. 9:5 🔗Иер. 48:38 | Забвен бых яко мертв от сердца: бых яко сосуд погублен. |
30:14 См.: 🔗Пс. 2:2 | Яко слышах гаждение многих живущих окрест: внегда собратися им вкупе на мя, прияти душу мою совещаша. |
30:15 | Аз же на Тя, Господи, уповах, рех: Ты еси Бог мой. |
30:16 См.: 🔗Пс. 38:5 🔗Пс. 138:16 | В руку Твоею жребии мои: избави мя из руки враг моих и от гонящих мя. |
30:17 | Просвети лице Твое на раба Твоего: спаси мя милостию Твоею. |
30:18 | Господи, да не постыжуся, яко призвах Тя: да постыдятся нечестивии, и снидут во ад. |
30:19 | Немы да будут устны льстивыя, глаголющыя на праведнаго беззаконие, гордынею и уничижением. |
30:20 См.: 🔗Ис. 64:4 | Коль многое множество благости Твоея, Господи, юже скрыл еси боящымся Тебе, соделал еси уповающым на Тя, пред сыны человеческими: |
30:21 См.: 🔗1Цар. 25:29 🔗Пс. 26:5 | скрыеши их в тайне лица Твоего от мятежа человеческа, покрыеши их в крове от пререкания язык. |
30:22 См.: 🔗Пс. 4:4 | Благословен Господь, яко удиви милость Свою во граде ограждения. |
30:23 См.: 🔗Пс. 144:19 | Аз же рех во изступлении моем: отвержен есмь от лица очию Твоею: сего ради услышал еси глас молитвы моея, внегда воззвах к Тебе. |
30:24 | Возлюбите Господа, вси преподобнии Его: яко истины взыскает Господь и воздает излише творящым гордыню. |
30:25 | Мужайтеся, и да крепится сердце ваше, вси уповающии на Господа. |