Книга пророка Исаии, глава 31

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 31
31:1 См.: 🔗Ис. 30:1 🔗Иер. 2:36 🔗Ос. 8:13	Горе сходящым во Египет помощи ради, уповающым на кони и на колесницы: суть бо многа, и конническое множество много зело: и не беша уповающе на Святаго Израилева, и Бога не взыскаша.
31:2 См.: 🔗Ам. 3:6 🔗Пс. 9:21	Тойже премудре наведе на них злая, и слово Его не отринется, и востанет на домы человеков злых и на надежду их тщетную,
31:3 См.: 🔗Иер. 17:5 🔗Иез. 28:9 🔗Плч. 4:17	Египтянина человека, а не Бога, конски плоти, и не будет помощи: Господь же наведет руку Свою на ня, и утрудятся помагающии, и вси вкупе погибнут.
31:4 См.: 🔗Отк. 20:8	Занеже тако рече мне Господь: якоже возревет лев, или львичищь о ловитве, юже имет, и возопиет над нею, дондеже наполнятся горы гласа его, и победишася и множества ярости убояшася: тако Господь Саваоф снидет на гору Сионю и на горы его воевати.
31:5 См.: 🔗Втор. 32:11 🔗Мф. 23:37	Якоже птицы парящыя, сице защитит Господь Саваоф о Иерусалиме, защитит и избавит, и снабдит и спасет.
31:6 См.: 🔗Иер. 3:14	Обратитеся, совещавающии глубок совет и беззаконен, сынове Израилевы:
31:7 См.: 🔗Ис. 2:20	яко в той день отвергут человецы рукотворенная своя сребряная и рукотворенная златая, яже сотвориша руки их.
31:8 См.: 🔗Ис. 37:36	И падет Ассур не мечем человеческим, ни мечь мужеский пояст его, и побегнет не от лица меча: юноты же будут в побеждение.
31:9 См.: 🔗1Езд. 1:3	Камением бо оымутся яко острогом и побеждени будут, а бежай пленен будет. Сия глаголет Господь: (блажен,) иже имеет племя в Сионе и южики во Иерусалиме.