|
Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 51 | |
| 51:1 | В конец, разума Давиду, |
| 51:2 | внегда приити Доику Идумейску, и возвестити Саулу, и рещи ему: прииде Давид в дом Авимелехов. |
| 51:3 | Что хвалишися во злобе, сильне? Беззаконие весь день. |
| 51:4 | Неправду умысли язык твой: яко бритву изощрену сотворил еси лесть. |
| 51:5 | Возлюбил еси злобу паче благостыни, неправду неже глаголати правду: |
| 51:6 | возлюбил еси вся глаголы потопныя, язык льстив. |
| 51:7 | Сего ради Бог разрушит тя до конца: восторгнет тя, и преселит тя от селения твоего и корень твой от земли живых. |
| 51:8 | Узрят праведнии и убоятся, и о нем возсмеются и рекут: |
| 51:9 | се, человек, иже не положи Бога помощника себе, но упова на множество богатства своего, и возможе суетою своею. |
| 51:10 | Аз же яко маслина плодовита в дому Божии: уповах на милость Божию во век и в век века. |
| 51:11 | Исповемся Тебе в век, яко сотворил еси: и терплю имя Твое, яко благо пред преподобными Твоими. |
