Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 См.: 🔗Песн. 1:15 🔗Песн. 6:3 | Се, еси добра, ближняя моя, се, еси добра: очи твои голубине, кроме замолчания твоего: власи твои яко стада козиц, яже открышася от Галаада. |
4:2 | Зубы твои яко стада остриженых, яже изыдоша из купели, вся двоеплодны, и неродящия несть в них. |
4:3 | Яко вервь червлена устне твои, и беседа твоя красна: яко оброщение шипка ланиты твоя, кроме замолчания твоего. |
4:4 См.: 🔗Песн. 7:4 🔗Мих. 4:8 | Яко столп Давидов выя твоя, создан в Фалпиофе: тысяща щитов висит на нем, вся стрелы сильных. |
4:5 См.: 🔗Песн. 7:3 | Два сосца твоя яко два млада близнца серны, пасомая во кринах, |
4:6 См.: 🔗Песн. 2:17 | дондеже дхнет день, и подвигнутся сени. Пойду себе к горе смирней и к холму ливанску. |
4:7 См.: 🔗Еф. 5:27 | Вся добра еси, ближняя моя, и порока несть в тебе. |
4:8 См.: 🔗Ис. 49:18 🔗Ис. 61:10 | Гряди от Ливана, невесто, гряди от Ливана: прииди и прейди из начала Веры, от главы Санира и Аермона, от оград львовых, от гор пардалеов. |
4:9 | Сердце наше привлекла еси, сестро моя невесто, сердце наше привлекла еси единым от очию твоею, единым монистом выи твоея. |
4:10 См.: 🔗Песн. 1:1 | Что удобреста сосца твоя, сестро моя невесто? Что удобреста сосца твоя паче вина, и воня риз твоих паче всех аромат? |
4:11 | Сот искапают устне твои, невесто, мед и млеко под языком твоим, и благовоние риз твоих яко благоухание Ливана. |
4:12 См.: 🔗Ис. 58:11 | Вертоград заключен сестра моя невеста, вертоград заключен, источник запечатлен. |
4:13 | Леторасли твоя сад шипков с плодом яблочным, кипри с нардами, |
4:14 | нард и шафран, трость и киннамон со всеми древами ливанскими, смирна, алой со всеми первыми мирами, |
4:15 См.: 🔗Ин. 7:38 | источник вертограда, и кладязь воды живы и истекающия от Ливана. |
4:16 | Востани, севере, и гряди, юже, и повей во вертограде моем, и да потекут ароматы мои. |