Книга пророка Исаии, глава 33

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 33
33:1 См.: 🔗Пс. 136:8 🔗Иер. 30:16 🔗Авд. 1:10	Горе обидящым вас! Вас никтоже и изобидит, и отвергаяй вас не отвержет: пленени будут отметающии (вас) и предадятся, и яко молие в ризе, тако побеждени будут.
33:2 См.: 🔗Пс. 16:7	Господи, помилуй ны, на Тя бо уповахом: бысть племя непокаряющихся в пагубу, спасение же наше во время печали.
33:3 См.: 🔗Пс. 67:2 🔗Ис. 26:11	Гласом страха Твоего ужасошася людие от страха Твоего, и разсеяшася языцы.
33:4	Ныне же соберутся корысти вашя малаго и великаго: якоже аще кто соберет пруги, тако наругаются вам.
33:5 См.: 🔗Ис. 9:7 🔗Ис. 11:4	Свят Бог живый в вышних, наполнися Сион суда и правды.
33:6 См.: 🔗4Цар. 18:5 🔗Иер. 10:16	В законе предадятся, в сокровищих спасение наше, тамо премудрость и хитрость и благочестие ко Господеви: сия суть сокровища правды.
33:7 См.: 🔗2Пар. 36:15	Се, ныне во страсе вашем тии убоятся: ихже боястеся, возопиют от вас: вестницы бо послани будут горце плачущеся, просяще мира.
33:8 См.: 🔗Ис. 37:2	Опустеют бо сих путие: преста страх языков, и завет иже к ним вземлется, и не вмените их в человеки.
33:9	Восплакася земля, посрамлен Ливан, блато бысть Саронь: явлена будет Галилеа и Хермель.
33:10 См.: 🔗Пс. 101:14 🔗Ис. 33:3	Ныне воскресну, глаголет Господь, ныне прославлюся, ныне вознесуся.
33:11 См.: 🔗Пс. 7:15 🔗Ис. 1:31 🔗Ис. 47:14	Ныне узрите, ныне ощутите, тщетна будет крепость духа вашего: огнь вы пояст.
33:12 См.: 🔗Ис. 9:18	И будут языцы пожжени, аки терние на ниве разметано и пожжено.
33:13 См.: 🔗Ис. 60:4 🔗Еф. 2:13	Услышат дальнии, яже сотворих, (глаголет Господь,) уведят приближающиися крепость Мою.
33:14 См.: 🔗Деян. 5:11 🔗Втор. 5:24	Отступиша, иже в Сионе, беззаконницы, приимет трепет нечестивыя: кто возвестит вам, яко огнь горит? Кто возвестит вам место вечное?
33:15 См.: 🔗Пс. 14:2	Ходяй в правде, глаголяй правый путь, ненавидяй беззакония и неправды и руце оттрясаяй от даров: отягчаваяй ушы, да не услышит суда крове: смежаяй очи, да не узрит неправды,
33:16 См.: 🔗Авв. 3:19 🔗Пс. 17:3	сей вселится во высоце пещере камене крепкаго: хлеб ему дастся и вода его верна.
33:17 См.: 🔗Пс. 44:3 🔗Пс. 92:1 🔗Мк. 9:2	Царя со славою узрите, и очи ваши узрят землю издалеча,
33:18 См.: 🔗1Кор. 1:20	душа ваша поучится страху Господню: где суть книгочии? Где суть совещавающии? Где есть изчитаяй питаемыя малы и велики люди?
33:19 См.: 🔗Втор. 28:49 🔗Иер. 5:15 🔗Иез. 3:5	Имже не совещаше, ниже ведяше глубокий глас имущаго, яко не слышати людем уничтоженым, и несть слышащему смысла.
33:20 См.: 🔗Мф. 16:18 🔗Пс. 124:1	Се, Сион град, спасение наше, очи твои узрят, Иерусалиме, граде богатый, кущы не поколеблются, ниже подвигнутся колие храмины его в вечное время, и ужя его не преторгнутся.
33:21	Яко имя Господне велико вам есть, место вам будет, реки и ровенницы широцы и пространни: не пойдеши по сему пути, ниже пойдет корабль пловущь:
33:22 См.: 🔗Пс. 43:5 🔗Пс. 57:12 🔗Ис. 43:15 🔗Иак. 4:12	Бог бо мой велик есть: не минет мене Господь судия наш, Господь князь наш, Господь царь наш, Господь Той нас спасет.
33:23 См.: 🔗Ис. 35:6	Прервашася ужя твоя, яко не укрепишася: щогла твоя преклонися, не распустит ветрил, не воздвигнет знамения, дондеже предастся на пленение: темже мнози хромии плен сотворят,
33:24 См.: 🔗Ис. 40:29 🔗Ис. 45:24 🔗1Пет. 1:3	и не рекут: труждаемся, людие живущии в них, оставися бо им грех.