Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 8 | |
8:1 | И егда отверзе седмую печать, бысть безмолвие на небеси яко пол часа. |
8:2 См.: 🔗Тов. 12:15 🔗Мф. 18:10 | И видех седмь Ангелов, иже пред Богом стояху: и дано бысть им седмь труб. |
8:3 | И другий Ангел прииде и ста пред олтарем, имеяй кадилницу злату: и даны быша ему фимиами мнози, да даст молитвам святых всех на олтарь златый сущий пред престолом. |
8:4 См.: 🔗Пс. 140:2 | И изыде дым кадилный молитвами святых от руки Ангела пред Бога. |
8:5 См.: 🔗Отк. 11:19 🔗Отк. 16:18 | И взят Ангел кадилницу, и наполни ю от огня сущаго на олтари, и положи на земли: и быша гласи и громи и блистания и трус. |
8:6 | И седмь Ангел, иже имеяху седмь труб, уготовашася, да вострубят. |
8:7 | И первому Ангелу вострубившу, бысть град и огнь, смешены с кровию, и падоша на землю: и третия часть древа погоре, и всяка трава злачная погоре. |
8:8 | И вторый Ангел воструби, и яко гора велика огнем жегома ввержена бысть в море: и бысть третия часть моря кровь, |
8:9 | и умре третия часть созданий сущих в мори, имущих душы, и третия часть кораблей погибе. |
8:10 | И третий ангел воструби, и паде с небесе звезда велика, горящи яко свеща, и паде на третию часть рек и на источники водныя: |
8:11 | и имя звезде глаголется апсинфос: и бысть третия часть вод яко пелынь, и мнози от человек умроша от вод, яко горьки беша. |
8:12 | И четвертый Ангел воструби, и уязвена бысть третия часть солнца и третия часть луны и третия часть звезд, да затмится третия часть их, и дне третия часть да не светит, и нощь такожде. |
8:13 | И видех и слышах единаго Ангела паряща посреде небесе, глаголюща гласом великим: горе, горе, горе живущым на земли от прочих гласов трубных триех Ангел хотящих трубити. |