Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 23 | |
23:1 См.: 🔗Сир. 31:13 | Аще сядеши вечеряти на трапезе сильнаго, разумно разумевай предлагаемая тебе, |
23:2 | и налагай руку твою, ведый, яко сицевая тебе подобает уготовити: |
23:3 | аще же несытнейший еси, не желай брашен его: сия бо имут живот ложен. |
23:4 См.: 🔗1Тим. 6:6 | Не распростирайся убог сый с богатым, твоею же мыслию удаляйся. |
23:5 | Аще устремиши на него око твое, никогдаже явится: соделаны бо суть ему крила яко орлу, и обращается в дом настоятеля своего. |
23:6 См.: 🔗Сир. 14:10 | Не вечеряй с мужем завистливым, ниже похощеши пищей его: |
23:7 | имже бо образом аще кто поглотит власы, сице яст и пиет: ниже к себе да введеши его и снеси хлеб твой с ним: |
23:8 | изблюет бо его и осквернит словеса твоя добрая. |
23:9 См.: 🔗Прит. 9:8 | Во ушию безумнаго ничтоже глаголи, да не когда поругает разумная словеса твоя. |
23:10 См.: 🔗Прит. 22:28 | Не прелагай предел вечных и в стяжание сирот не вниди: |
23:11 См.: 🔗Прит. 22:23 | избавляяй бо их Господь крепок есть и разсудит суд их с тобою. |
23:12 | Даждь в наказание сердце твое, ушеса же твоя уготовай словесем чувственным. |
23:13 См.: 🔗Прит. 13:25 | Не преставай младенца наказовати: аще бо жезлом биеши его, не умрет (от него): |
23:14 | ты бо побиеши его жезлом, душу же его избавиши от смерти. |
23:15 См.: 🔗Прит. 27:11 | Сыне, аще премудро будет сердце твое, возвеселиши и мое сердце, |
23:16 | и пребудут в словесех твои устне к моим устнам, аще права будут. |
23:17 См.: 🔗Пс. 36:1 🔗Прит. 24:1 | Да не ревнует сердце твое грешником, но в страсе Господни буди весь день: |
23:18 | аще бо соблюдеши я, будут ти внуцы, и упование твое не отступит. |
23:19 | Слушай, сыне, и премудр бывай и исправляй мысли твоего сердца: |
23:20 См.: 🔗Рим. 13:13 🔗Еф. 5:18 | не буди винопийца, ниже прилагайся к сложением и купованием мяс: |
23:21 См.: 🔗Прит. 21:17 | всяк бо пияница и блудник обнищает, и облечется в раздранная и в рубища всяк сонливый. |
23:22 См.: 🔗Прит. 1:8 | Слушай, сыне, отца родившаго тя, и не презирай, егда состареется мати твоя. |
23:23 | Истину стяжи и не отрини мудрости и учения и разума. |
23:24 См.: 🔗Прит. 10:1 🔗Прит. 15:20 | Добре воспитовает отец праведен, о сыне же премудрем веселится душа его. |
23:25 | Да веселится отец и мати о тебе, и да радуется рождшая тя. |
23:26 См.: 🔗Мф. 15:19 🔗Мк. 7:6 | Даждь ми, сыне, твое сердце, очи же твои моя пути да соблюдают. |
23:27 См.: 🔗Сир. 19:2 | Сосуд бо сокрушен чуждий дом, и студенец тесен чуждий: |
23:28 | сей бо вскоре погибнет, и всякий законопреступник потребится. |
23:29 | Кому горе? Кому молва? Кому судове? Кому горести и свары? Кому сокрушения вотще? Кому сини очи? |
23:30 См.: 🔗Ис. 5:11 | Не пребывающым ли в вине? И не назирающым ли, где пирове бывают? |
23:31 | Не упивайтеся вином, но беседуйте ко человеком праведным, и беседуйте во проходех: аще бо на чашы и сткляницы вдаси очи твои, последи имаши ходити нажайший белилнаго древа: |
23:32 | последи же яко от змиа уязвен прострется, и якоже от кераста разливается ему яд. |
23:33 См.: 🔗Еф. 5:18 🔗1Ин. 2:16 | Очи твои егда узрят (жену) чуждую, уста твоя тогда возглаголют стропотная: |
23:34 | и возляжеши яко в сердцы моря и якоже кормчий во мнозе волнении. |
23:35 См.: 🔗Ис. 56:12 | Речеши же: биша мя, и не поболех, и поругашася ми, аз же не разумех: когда утро будет, да шед взыщу, с нимиже снидуся? |